Ezekieli 38 - Tshwa Bible

A xiprofeto ha Goge.

¹ A gezu ga Jehova gi lota ka mina, giku:

² Nʼwana wa munhu, hunzuluka u cuwuka le Goge, a tikweni ga Magoge a hosi ya le Roxa, Mexeke na Tubale, u mu profetela; uku: Gen. 10:2; Kuv. 20:8

³ Hosi Jehova i ngalo: Nzi yimekeiene na wena Goge hosi ya Roxa, Mexeke na Tubale.

⁴ Nzi ta ku humesa, nzi vekela a zimemba tihlayeni ta wena, nzi ku humesa wena ni yimpi ya wena yontlhe, ni mahaxi ni vakhileli va wona, vontlhe na va ambele za yimpi; a ntlawa wa hombe wu khomileko tingenge ni zitlhangu, vontlhe na va hi ni tisupado mandleni: 2 Tih. 19:28; Ezek. 29:4

⁵ Persia, Kuxe, na Pute, vontlhe va tava ni zitlhangu ni zihuku za xiketse;

⁶ Gomere ni mitlawa yakwe yontlhe; a yindlu ya ka Togarma le magemetamusi ya tlhelo ga Nwalungu ni mitlawa yakwe yontlhe: a matiko manyingi ma tava zinwe na wena.

⁷ Ti longisele! ina ngha u ti longisela, ni mabutho wontihe lawa ma tsombanako ka wena, wena uva nduna yabye.

⁸ Anzhako ka masiku yo tala u ta vitaniwa; loku ku hunzile malembe yo tala wena u talwa ni tiko legi gi ponileko supado, legi gi tsombanyisilweko hi le matikweni manyingi le zitsungeni za ka Israeli, lezi a xikhati xo leha zi nga wa hi marumbi; a vanhu va hu-mesilweko hi le matikweni, kasi vontlhe va tshama kona hi kurula.

⁹ U ta kanziha, u tata kukotisa a bhubhutsa, u fanana ni refu gi fenengetako misava, wena ni mitlawa ya wena yontlhe ni matiko yo tala ma nga zinwe na wena.

¹⁰ Hosi Jehova i ngalo: Hi siku lego ku ta enghena maalakanyo mbilwini ya wena, u pola makungo yo biha;

¹¹ u taku: Nzi ta kanziha nziya tikweni ga miti yi nga bhiyelwangiko. Nzi taya ka vona lava va nga su cucululu, lava va tshamisekako, a miti yabye yi nga hiko na makhurisi, yi nga hiko na tibhingo hambu ni tinyangwa.

¹² Kasi ku teka mufulo ni ku phanga; u nawuluta a canja ga wena ka marumbi lawa makunu ma nga ni vanhu, u vukela a vanhu lava va tsombanyisilweko hi le matikweni, lava va nga ni zifuyo ni nhunzu, lava va tshamako xikari ka misava.

¹³ Xeba na Dedani ni vamahungani va le Tarxixi ni zinghagana zontlhe za kona zi ta wula ka wena, ziku: U tela ku ta hi tekela mufulo ke? U tsombanyisile a mitlawa ya wena a ku ta phanga ke? Mu tele a ku ta wutla a siliva ni nzalama, ni zifuyo ni nhunzu, mu tela ku ta swiyela tiko ke?

¹⁴ Hikwalaho, nʼwana wa munhu, profeta uku ka Goge: Hosi Jehova i ngalo: A siku lego loku a tiko ga mina Israeli gi tshameka wena u ta zi tiva.

¹⁵ U ta suka wutshanwini ga wena le magemetamusi ya tlhelo ga Nwalungu, wena zinwe ni matiko manyingi; vontlhe na va khilele mahaxi, a xidlemo xa hombe ni yimpi ya ntamu.

¹⁶ U tata u talwa ni tiko ga mina Israeli, u kotisa refu gi fenengetako misava. Loku ku hunzile malembe yo tala nzi ta ku ruma u yalwa ni tiko ga mina, kasi a matiko ma fela ku nzi tiva, laha nzi ta nga hlawuleka ha wena Goge, mahlweni kabye.

¹⁷ Hosi Jehova i ngalo: Hi wena loyi nzi nga wulawula ha yena kaleloko hi malanza ya mina a vaprofeti va ka Israeli, lava a xikhatini lexo va nga profeta malembe yo tala, lezaku nzi ta ku ruma u va vukela ke? Joeli 3:1; Mika 4:11; Zef. 3:8

¹⁸ Hi siku lego Goge a ta nga enghena ha gona tikweni ga ka Israeli, a zanga ya mina yi ta vindluka, ku wula Hosi Jehova.

¹⁹ Hakuva hi mona wa mina ni kuhisa ka zanga ya mina nza tiyisa nziku: Hizinene, hi siku lego ku tava ni xitsekatseka xa hombe tikweni ga Israeli; Mat. 24:7; Lu. 21:11

²⁰ kasi a zidluwani za bimbi, ni tinyanyani ta tilo, ni zihari za khwati, ni zontlhe zikokakoka za misava, ni vontlhe vanhu va nga laha misaveni, zi ta rurumela mahlweni ka mina; a zitsunga zi ta khungumuka, a maribye ma tawa, ni makhurisi wontihe ma tawa lahasi,

²¹ Nzi ta vitana a supado yi talwa naye lomu zitsungeni zontlhe za mina, ku wula Hosi Jehova; a munhu ni munhu i ta khoma supado a vukela nakulobye.

²² Nzi ta mu lamula hi ntungu ni nkhata; nzi ta nisa a vula hehla kakwe ni mitlawa yakwe ni matiko laʼwo tala ma nga zinwe naye, a vula yo tshisa, ni maralala ya hombe, a nzilo ni solufa.

²³ Nzi ta ti kulisa, nzi ti basisa, nzi ti tivekisa mahlweni ka matiko manyingi; va ta zi tiva lezaku hi mina Jehova.