Estere 10 - Tshwa Bible

¹ Hosi Ahasuerusi i lo khupisa tiko ni zihlale za le bimbini.

² A mitiro yakwe yontlhe ya ntamu wakwe, ni mahungu ya wukulu ga Mordekai, lezi a nga tlakusiswa zona hi hosi, zi tsalilwe lomu bhukwini ga matimu ya tihosi ta le Media ni le Persia.

³ Hakuva muJuda Mordekai hi yena a nga gamela hosi Ahasuerusi a hi wa hombe xikari ka vaJuda, na a ranzeka ka zidlemo za va ka kabye, a va mahela kusasa, a kanela kurula ka lixaka lontlhe la ka kabye. Gen. 41:40