1 Kronekele 25 - Tshwa Bible

¹ Davida ni tinduna ta yimpi va lo avanyisa a ntiro wa vana va ka Asafa, ni va ka Hemani, ni va ka Jedutuni, lava va nga wa yimbelela hi zitende, ni timbila, ni tingoma hi moya wa ku profeta. A tsengo wa lava va yimisilweko ntirweni lowo hi lowu:

² A vana va ka Asafa: Zakura, na Josefa, na Netania, na Axarela, va nga vana va ka Asafa; va lo rangelwa hi Asafa loyi a nga kari a profeta kota kuleletela ka hosi.

³ A va ka Jedutuni, a vana vakwe: Gedalia, na Zeri, na Jexaia, na Haxabia, na Mattitia, ntlhanu ni munwe lava va nga wa rangelwa hi raru wabye Jedutuni loyi a nga wa profeta hi xitende, a kii bonga ni ku dumisa Jehova.

⁴ A va ka Hemani, a vana vakwe: Bukia, Matania, Uzieli, Xebueli, na Jerimote, Hanania, Hanani, Eliata, Gidalti, Romamti-Ezera, Joxebekaxa, Malloti, Hotira, na Mahaziote.

⁵ Vontlhe lava va wa hi vana va ka Hemani, a muwoni wa hosi, khwatsi hi lezi Nungungulu a nga wa wula ku ngalo i ta tlakusa a limhonzo la Hemani. Nungungulu i lo nyika Hemani a 14 wa vana ni vanhanyana vanharu.

⁶ Vontlhe lava va wa rangelwa hi raru wabye a ku yimbelela lomu ndlwini ya Jehova; va wa hi ni tingoma, ni timbila, ni zitende za ntiro wa kukhozela lomu ndlwini ya Nungungulu. Asafa, na Jedutuni, na Hemani, va wa leletelwa hi hosi.

⁷ A tsengo wabye, a ku hlaya ni vanakulobye lava va tivako a tisimu ta Jehova, a ziyimbeleli, va wa hi 288.

⁸ Va wa hlawuliwa ka ntiro wabye hi kuhlahluva, ku nga hambanyiswi a vatsongwani ni vahombe, a vagonzisi ni zigonzani.

⁹ A kuhlahluva ko sangula ku lo khoma Asafa, ku hlawula Josefa; a ka wumbiri ku hlawula Gedalia ni vanakulobye ni vana vakwe; vontlhe va wa hi 12.

¹⁰ A ka wunharu ku hlawula Zakura ni vana vakwe ni vanakulobye; vontlhe va wa hi 12.

¹¹ A ka wumune hi Izri ni vana vakwe ni vanakulobye, va wa hi 12.

¹² A ka wuntlhanu hi Netania ni vana vakwe ni vanakulobye, va wa hi 12.

¹³ A ka wu 6 hi Bukia ni vana vakwe ni vanakulobye, va wa hi 12.

¹⁴ A ka wu 7 hi Jexarela ni vana vakwe ni vanakulobye, va wa hi 12.

¹⁵ A ka wu 8 hi Jexaia ni vana vakwe ni vanakulobye, va wa hi 12.

¹⁶ A ka wu 9 hi Matania ni vana vakwe ni vanakulobye, va wa hi 12.

¹⁷ A ka wu 10 hi Ximei ni vana vakwe ni vanakulobye, va wa hi 12.

¹⁸ A ka wu 11 hi Azareli ni vana vakwe ni vanakulobye, va wa hi 12.

¹⁹ A ka wu 12 hi Haxabia ni vana vakwe ni vanakulobye, va wa hi 12.

²⁰ A ka wu 13 hi Xubaeli ni vana vakwe ni vanakulobye, va wa hi 12.

²¹ A ka wu 14 hi Matitia ni vana vakwe ni vanakulobye, va wa hi 12.

²² A ka wu 15 hi Jeremote ni vana vakwe ni vanakulobye, va wa hi 12.

²³ A ka wu 16 hi Hanania ni vana vakwe ni vanakulobye, va wa hi 12.

²⁴ A ka wu 17 hi Joxbekaxa ni vana vakwe ni vanakulobye, va wa hi 12.

²⁵ A ka wu 18 hi Hanani ni vana vakwe ni vanakulobye, va wa hi 12.

²⁶ A ka wu 19 hi Maloti ni vana vakwe ni vanakulobye, va wa hi 12.

²⁷ A ka wu 20 hi Eliate ni vana vakwe ni vanakulobye, va wa hi 12.

²⁸ A ka wu 21 hi Hotira ni vana vakwe ni vanakulobye, va wa hi 12.

²⁹ A ka wu 22 hi Gidalti ni vana vakwe ni vanakulobye, va wa hi 12.

³⁰ A ka wu 23 hi Mahaziote ni vana vakwe ni vanakulobye, va wa hi 12.

³¹ A ka wu 24 hi Romamti-Ezera ni vana vakwe ni vanakulobye, va wa hi 12.