1 Kronekele 24 - Tshwa Bible

A mitlawa ya vatiri va lomu tempeleni.

¹ Leyi hi mitlawa ya va ka Aroni. A vana va Aroni: Nadabe, na Abihu, na Eliazare, na Itamare.

² Nadabe na Abihu va lofa na a nga se ngafa raru wabye; a va nga hi na vana. Hikwalaho Eliazare na Itamare va lo maha vapristi.

³ Davida na Zadoke a zukulu wa Eliazare, na Ahimeleki a zukulu wa Itamare, va lo va avela mitiro yabye kota kuxaxametwa kabye.

⁴ Va lo kuma lezaku a vana va ka Eliazare va wa hi ni tihosana ta tiyindlu ku hunza a vana va Itamare; zonake va lo va avelisa zalezo. A vana va ka Eliazare va wa hi 16 wa tihosana ta tiyindlu ta vararu vabye; a vana va ka Itamare va wa hi 8 wa tihosana ta tiyindlu ta vararu vabye;

⁵ va lo avanyiswa hi kuhlahluva a ku maha mitlawa, hakuva va wa hi tihosana ta wutshamu go basa ni tihosana ta ka Nungungulu lomu xikari ka vana va Eliazare ni ka vana va ka Itamare.

⁶ Xemaia a nʼwana wa mutsali Netaneli, wa nyangwa ya ka Levi, i lo va tsala mahlweni ka hosi ni ka tihosana ni mahlweni ka mupristi Zadoke, ni ka Ahimeleki nʼwana Abiatara, ni mahlweni ka tihosana ta tiyindlu ta vapristi ni ta va ka Levi. Va lo hlawula hi kuhlahluva a yindlu ya vadadani, yinwe yi maha ya Eliazare, a yinwani yi maha ya Itamare.

⁷ A hlolo yo sangula yi lo hlawula Jehoiariba; a ya wumbiri Jedaia;

⁸ a ya wunharu Harima; a ya wumune Seorimu;

⁹ a ya wuntlhanu Malkija; a ya wu 6 Mijamini;

¹⁰ a ya wu 7 Hakoza; a ya wu 8 Abija;

¹¹ a ya wu 9 Jexua; a ya wu 10 Xekania;

¹² a ya wu 11 Eliaxiba; a ya wu 12 Jakimu;

¹³ a ya wu 13 Huppa; a ya wu 14 Jexebeabe;

¹⁴ a ya wu 15 Bilga; a ya wu 16 Imera;

¹⁵ a ya wu 17 Hezire; a ya wu 18 Hapizeze;

¹⁶ a ya wu 19 Petahia; a ya wu 20 Jehezkeli;

¹⁷ a ya wu 21 Jakina; a ya wu 22 Gamula;

¹⁸ a ya wu 23 Delaia; a ya wu 24 Maazia.

¹⁹ Loku hi kuxaxamela kabye lomu ntirweni wabye, a ku enghena lomu ndlwini ya Jehova khwatsi hi kuxaxameta ka raru wabye Aroni, kota lezi Jehova Nungungulu wa ka Israeli a mu leleteleko.

²⁰ A vana va ka Levi lava va seleko hi lava: Wa vana va Amramu hi Xubaeli; wa vana va Xubaeli hi Jedeia,

²¹ wa va ka Rehabia, a vana va Rehabia, hi Ixia a hosana.

²² Wa va ka Izhare hi Xelomote; wa vana va Xelomote hi Jahate.

²³ Va vana va ka Hebroni hi Jeria a hosana, ku gamela Amaria, a wa wunharu hi Jahazieli, a wa wumune hi Jekameamu.

²⁴ Wa vana va ka Uzieli hi Mika; wa vana va Mika hi Xamira.

²⁵ A nakulobye wa Mika hi Ixia; wa vana va Ixia hi Zakaria.

²⁶ Va vana va ka Merari hi Mali na Muxi; wa vana va ka Jaazia hi Beno.

²⁷ A vana va ka Merari hi Jaazia, na Beno, na Xohamu, na Zekura, na Ibri.

²⁸ Wa va ka Mali hi Eliazare loyi a nga hiko na vana.

²⁹ Wa va ka Kixi, a vana va Kixi, hi Jerameli.

³⁰ Va vana va ka Muxi hi Mali na Ederi na Jerimote. Lava hi vana va ka Levi hi tiyindlu ta vararu vabye.

³¹ Vonawu lava, kukotisa vanakulobye va vana va Aroni va lo hlahluva mahlweni ka hosi Davida, na Zadoke, na Ahimeleki, ni tihosana ta tiyindlu ta vapristi ni ta va ka Levi; va tihosana ta tiyindlu ta vararu vabye ti lo hlawuliwa kota tinzisana tabye.