యెహోషువ 12 - తెలుగు సమకాలీన అనువాదం పవిత్ర గ్రంథం

ఓడిపోయిన రాజుల జాబితా

¹ ఇశ్రాయేలీయులు ఓడించిన దేశపు రాజులు వీరే: అర్నోను కొండగట్టు నుండి హెర్మోను పర్వతం వరకు, అరాబాకు తూర్పున ఉన్న ప్రాంతంతో సహా యొర్దానుకు తూర్పున ఉన్న వారి దేశాలను స్వాధీనం చేసుకున్నారు.

² అమోరీయుల రాజైన సీహోను హెష్బోను నుండి పరిపాలించాడు. అతడు అర్నోను కొండగట్టు అంచున ఉన్న అరోయేరు నుండి అనగా కొండ మధ్య నుండి అమ్మోనీయుల సరిహద్దు యైన యబ్బోకు నది వరకు పరిపాలించాడు. ఇందులో సగం గిలాదు ఉంది.

³ అతడు తూర్పు అరాబాను కిన్నెరెతు సముద్రం నుండి అరాబా సముద్రం (అంటే మృత సముద్రం) వరకు, బేత్-యెషిమోతు వరకు, ఆపై పిస్గా కొండ క్రింద దక్షిణం వైపు వరకు పరిపాలించాడు.

⁴ అష్తారోతు, ఎద్రెయీలలో పాలించిన రెఫాయీయులలో చివరివాడైన బాషాను రాజైన ఓగు యొక్క భూభాగము.

⁵ అతడు హెర్మోను పర్వతం, సలేకా, గెషూరు, మయకా ప్రజల సరిహద్దు వరకు బాషాను మొత్తాన్ని, గిలాదులో సగం హెష్బోను రాజైన సీహోను సరిహద్దు వరకు పరిపాలించాడు.

⁶ యెహోవా సేవకుడైన మోషే, ఇశ్రాయేలీయులు వారిని జయించారు. యెహోవా సేవకుడైన మోషే రూబేనీయులకు, గాదీయులకు, మనష్షే అర్థగోత్రానికి వారి భూమిని స్వాస్థ్యంగా ఇచ్చాడు.

⁷ యెహోషువ, ఇశ్రాయేలీయులు యొర్దానుకు పశ్చిమాన, లెబానోను లోయలోని బయల్-గాదు నుండి శేయీరు వైపుగా ఉన్న హలాకు పర్వతం వరకు జయించిన దేశాల రాజుల జాబితా ఇది. యెహోషువ ఇశ్రాయేలీయులకు వారి గోత్రాల ప్రకారం వారి భూములను వారసత్వంగా ఇచ్చాడు.

⁸ ఈ భూములలో కొండసీమ, పశ్చిమ పర్వతాలు, అరాబా, పర్వత వాలులు, అరణ్యం, దక్షిణ ప్రాంతం ఉన్నాయి. ఇవి హిత్తీయులు, అమోరీయులు, కనానీయులు, పెరిజ్జీయులు, హివ్వీయులు, యెబూసీయుల దేశాలు. వారు జయించిన రాజు లెవరనగా:

⁹ యెరికో రాజు ఒక్కడు హాయి రాజు (బేతేలు సమీపంలోని) ఒక్కడు

¹⁰ యెరూషలేము రాజు ఒక్కడు హెబ్రోను రాజు ఒక్కడు

¹¹ యర్మూతు రాజు ఒక్కడు లాకీషు రాజు ఒక్కడు

¹² ఎగ్లోను రాజు ఒక్కడు గెజెరు రాజు ఒక్కడు

¹³ దెబీరు రాజు ఒక్కడు గెదెరు రాజు ఒక్కడు

¹⁴ హోర్మా రాజు ఒక్కడు అరాదు రాజు ఒక్కడు

¹⁵ లిబ్నా రాజు ఒక్కడు అదుల్లాము రాజు ఒక్కడు

¹⁶ మక్కేదా రాజు ఒక్కడు బేతేలు రాజు ఒక్కడు

¹⁷ తప్పూయ రాజు ఒక్కడు హెఫెరు రాజు ఒక్కడు

¹⁸ ఆఫెకు రాజు ఒక్కడు లషారోను రాజు ఒక్కడు

¹⁹ మాదోను రాజు ఒక్కడు హాసోరు రాజు ఒక్కడు

²⁰ షిమ్రోను మెరోను రాజు ఒక్కడు అక్షఫు రాజు ఒక్కడు

²¹ తానాకు రాజు ఒక్కడు మెగిద్దో రాజు ఒక్కడు

²² కెదెషు రాజు ఒక్కడు కర్మెలులోని యొక్నీము రాజు ఒక్కడు

²³ దోరు రాజు (నఫోత్ దోరు లోని) ఒక్కడు గిల్గాలులో గోయీం రాజు ఒక్కడు

²⁴ తిర్సా రాజు ఒక్కడు మొత్తం ముప్పై ఒక్క మంది రాజులు.