Luke 10 - TPV-RV (Thamma Pitakadaw)1 ထို့နောက် အရှင်သည် အခြားသောတပည့်တော်ခုနှစ် ဆယ့်နှစ်ဦးကို ရွှေးချယ်ပြီး နှစ်ယောက်တစ်တွဲစီတွဲ၍ ကိုယ်တော်ကြွမည့် မြို့တိုင်းရွာတိုင်းသို့ ကြိုတင်စေလွှတ် လိုက်၏ 2 ကိုယ်တော်ကသူတို့အား “လယ်ကွင်းထဲမှာများ စွာသောသီးနှံတို့ရှိ၏။ သို့သော်ရိပ်သိမ်းမည့်သူကား နည်း လှ၏။ထို့ကြောင့် ကောက်ရိပ်သိမ်းသူ များများပိုစေလွှတ် ပေးရန် စပါးခင်းအရှင်ထံ တောင်းဆိုကြပါ။ 3 အခုပဲသွား ကြပါ၊သို့သော် ငါသင်တို့အား စေလွတ်လိုက်ခြင်းသည် ဝံပုလွေအုပ်ထဲသို့ သိုးသူငယ်များကို စေလွှတ်သကဲ့သို့ပင် ဖြစ်၏။ 4 သင်တို့သည်ပိုက်ဆံအိတ်၊ခရီးဆောင်အိတ်၊ဖိနပ်တို့ကိုယူမသွားပါနှင့် လမ်းပေါ်မှာရပ်၍ လူတို့ကိုနှုတ်ဆက် ပြီးအချိန်မဖြုန်းပါနှင့်၊ 5 သင်တို့ အိမ်တစ်အိမ်သို့ဝင်လျှင် “ဒီအိမ်မှာ ငြိမ်းချမ်းသာယာပြီး ဘုရားရှင်ကောင်းကြီးပေးပါ စေ”ဟုဆုတောင်းပေးပါ။ 6 ထိုအိမ်မှလူတို့သည်ငြိမ်းချမ်းမှုကိုလိုလားပါကသင်ပို့သသောမေတ္တာကိုသူတို့ခံစားရမည်။သို့သော် ထိုသူတို့သည်ငြိမ်းချမ်းမှုကိုမလိုလားပါကသင်ပို့သ သောမေတ္တာသည်သင့်သို့ထံပြန်ရောက်ပါလိမ့်မည်။ 7 သင်တို့သည် ထိုအိမ်တွင်နေ၍ အိမ်ရှင်ကျွေးမွေးသည်ကို စား သောက်ကြပါ၊ အဘယ့်ကြောင့်ဆိုသော် အလုပ်သမားသည် သူ၏လုပ်အားခကို ခံစားထိုက်သောကြောင့်ဖြစ်သည်။ အိမ် တစ်အိမ်မှတစ်အိမ်သို့ လှည့်လည်မသွားကြပါနှင့်၊ 8 အကယ်၍ သင်တို့အား မြို့မှလူများက ကြိုဆိုဖိတ်ခေါ်လျှင် ထိုသူတို့ကျွေးမွေးသည်ကိုစားနိုင်သည်။ 9 လူမမာများကိုကုသသောအခါ“ဘုရားရှင်၏သာသနာ ဤနေရာတွင်ထွန်း ကားမည်"ဟုပြောပါ။ 10 သို့သော် မြို့မှလူများ သင်တို့ အားမဖိတ်ခေါ်လျှင် လမ်းပေါ်သို့ထွက်၍ 11 "ကျွန်ုပ်တို့ သင်တို့အား သတိပေးတဲ့အနေနှင့် ငါတို့ခြေထောက်က ဖုန်မှုန့်တွေကိုခါချခဲ့မယ်၊ ဘုရားရှင်၏သာသနာသည် ဤ နေရာသို့ရောက်လာတော့မည်”ဟုပြောခဲ့ကြပါ။ 12 တရားစီရင်တော်မူသောနေ့၌ ဘုရားရှင်သည် ထို့မြို့တို့ထက် ‘သောဒုံ’မြို့အား ပိုမိုလွယ်ကူသောနည်းဖြင့် ဆုံးဖြတ်နိုင် သည့် အခွင့်ကို ပေးတော်မူလိမ့်မည်။ 13 “‘ခေါရာဇိန်’မြို့သားတို့ သင်တို့ဒုက္ခတွေ့နေကြရပြီ၊ ‘ဇက်ဇဲဒ’မြို့သားအပေါင်းတို့လည်းဒုက္ခတွေ့နေပြီ၊သင်တို့ မြို့မှလူတို့သည် နောင်တရပြီး ဘုရားဘက်သို့လှည့်ကြလိမ့် မည်။ဦးစွာပင်လျှော်တေကြမ်း အဝတ်ကိုဝတ်ပြီး သူတို့၏ ခေါင်းကိုပြာများလိမ်းကျံထားကြလိမ့်မည်။ 14 ဘုရားရှင်သည် တရားစီရင်သောအချိန် ကျရောက်လာလျှင် သင်တို့ ထက် ‘တုရု’နှင့် ‘ဇိဒုံ’မြို့အား ပို၍အခွင့်အရေးပေးလိမ့်မည်။ 15 ကပရနောင်မြို့သားတို့ သင်တို့သည်နိဗ္ဗာန်ရွှေမြို့တော် တွင် ချီးမြှင့်မြောက်စားခြင်း ခံယူရမည်ဟု ထင်နေသလား ၊သင်တို့ဟာငရဲသွားမည့်လူများသာဖြစ်သည်”ဟုမိန့်တော်မူလိုက်လေသည်။ 16 ကိုယ်တော်က တပည့်တော်တို့အား “သင်တို့စကားကို နားထောင်သူသည် ငါ့စကားကိုနား ထောင်သူဖြစ်သည်။ သင်တို့ကိုလက်မခံသူသည် ငါ့ကို လက်မခံသူဖြစ်ပြီး ငါ့ကိုလက်မခံသူသည် ငါ့ကိုစေလွှတ် လိုက်သူကိုလည်း လက်မခံသူများသာ ဖြစ်သည်။ 17 တပည့်တော် ခုနှစ်ဆယ့်နှစ်ဦးအဖွဲ့ ပြန်ရောက်လာ သောအခါ သူတို့သည် အလွန်ရွှင်လန်းဝမ်းမြောက်လျှက် “အရှင်ကျွန်တော်တို့သည် မကောင်းဆိုးဝါးများကို ကိုယ် တော်၏ နာမတော်သုံးပြီး အမိန့်ပေးသောအခါ သူတို့မှာနာ ခံကြပါ၏" ဟုလျှောက်တင်ကြလေသည်။ 18 ကိုယ်တော် က သူတို့အား “ကောင်းကင်မှ လျှက်စီးလက်သကဲ့သို့ မာရ်နတ်ပြုတ်ကျလာသည်ကို ငါတွေ့ခဲ့သည်။ 19 ငါသည် သင်တို့အား မြွေဆိုးများ၊ ကင်မြီးကောက်များကို တက်နင်းမိ၍ အန္တရာယ်ကျရောက်သောအခါ၌ လည်း ကောင်း၊ သင်တို့၏ရန်သူ မာရ်နတ်ကိုနှိမ်နှင်းနိုင်သော တန်ခိုးအာဏာကိုအပ်နှင်းထားပြီးဖြစ်သည်။ 20 သို့သော်သင်တို့ မကောင်းဆိုးဝါးများကို နှိမ်နင်းနိုင်ရုံနဲ့ မပျော် ကြပါနှင့် ၊သင်တို့၏နာမည်များ နိဗ္ဗာန်ရွှေမြို့တော်၌ ရေးမှတ်ခံရခြင်းသာ ပျော်ရွှင်စရာကောင်း၏” ဟု မိန့်တော် မူလေသည်။ 21 ထိုအချိန်တွင်ဘုရားဝိညာဉ်တော်သည်ကိုယ်တော်အား ရွှင်လန်းဝမ်းမြောက်စေတော်မူသောကြောင့်ကိုယ်တော်က “ဤကမ္ဘာလောကနှင့် နိဗ္ဗာန်ရွှေမြို့တော်ကို အစိုးရတော် မူသောအဖဘုရား ၊ဤအရှင်သည် နိဗ္ဗာန်ရွှေမြို့တော်ရှိ အကြောင်းအရာများအား ပညာရှိပုဂ္ဂိုလ်များအားကွယ်ဝှက် ၍၊ ပညာဉာဏ်နည်းသောသာမာန်လူများအား ဖော်ထုတ်ပြ သသောကြောင့် ကျေးဇူးကြီးလှပါ၏။ ဤသို့ဖြစ်လာခြင်း သည်လည်း အရှင်ဘုရားအလိုတော်ရှိသည့် အတိုင်းပင် ဖြစ်ပါသည်။ 22 အဖဘုရားသည် သားတော်အား ခပ်သိမ်း သောအရာတို့ကိုပေးအပ်ခဲ့ပါပြီ။သားတော်မည်သူဖြစ်သည်ကို အဖဘုရားတစ်ပါးတည်းသာ သိတော်မူပါ၏။ သို့သော် သားတော်သည်အဖဘုရားရှင်အကြောင်းကိုတစ်ခြားသူများအားဖွင့်ပြောလိုပါသည်။သို့မှသာသူတို့သည်အဖဘုရားကိုသိလာကြပါလိမ့်မည်။ 23 ကိုယ်တော်ကသူ၏တပည့်တော်များဘက်သို့လှည့်လိုက်ပြီး"ယခုအခြင်းအရာတို့ကို သင်တို့ မြင်တွေ့ခွင့်ရသောကြောင့် အမှန်ပင်မင်္ဂလာရှိပါပေ၏။ 24 များစွာသော ပညာရှိပရောဖက်တို့နှင့် ဘုရင်မင်းမြတ်တို့ သည် သင်တို့မြင်သမျှကြားသမျှသောအရာတို့ကို မြင်တွေ့ ခွင့်၊ကြားခွင့်ရရန် အလွန်စိတ်အားထက်သန်ခဲ့ကြ၏။ သို့ သော် သူတို့သည်မြင်တွေ့ခွင့်၊ကြားနာခွင့်မရရှိခဲ့ကြ"ဟူ၍ မိန့်တော်မူလိုက်လေသည်။ 25 မောရှေကျမ်းတတ်ပညာရှင်တစ်ဦးသည် ကိုယ်တော် အားမေးခွန်းမေးရန်မတ်တပ်ရပ်လိုက်ပြီး"အရှင်၊နိစ္စထာဝရအသက်ကိုရဖို့အတွက်ဆိုရင် ဘာတွေလုပ်ရမလဲ" ဟု မေးလျှောက်လေ၏။ 26 ကိုယ်တော်က"ကျမ်းစာမှာဘာတွေဖော်ပြရေးသားထားသလဲ၊ သင်ဒါတွေကို ဘယ်လိုနား လည်သဘောပေါက်သလဲ"ဟုမေးလေ၏။ 27 ထိုပုဂ္ဂိုလ်က"ကျမ်းမှာသင်၏ဘုရားရှင်အား ကိုယ်စိတ်နှလုံးသုံးပါးလုံး ဖြင့်ကြည်ညိုဆည်းကပ်ကြပါ။ သင်၏အိမ်နီးချင်းကိုလည်း မိမိနှင့်ထပ်တူချစ်ခင်ပါ”ဟု ပါရှိပါသည်ဟူ၍ လျောက်လေ သည်။ 28 ကိုယ်တော်က"သင့်မှာအဖြေမှန်ရှိပါတယ်"ဟူ၍မိန့်လေသည် “ဤကဲ့သို့ပြုလုပ်လျှင်သင်သည် 'နိစ္စထာဝရ' အသက်ကိုရရှိပါလိမ့်မည်”ဟုဖြေကြားလိုက်လေသည်။ 29 သို့သော်ထိုပုဂ္ဂိုလ်က"ကျွန်ုပ်တို့၏အိမ်နီးချင်းဆိုတာဘယ်သူတွေလဲ"ဟုမေးလိုက်၏။သူသည်သူပြောသည့်အကြောင်းအရာတို့ကို ကိုယ်တိုင်သိလို၍ မေးလိုက်ခြင်းဖြစ်ပါသည်။ 30 ထိုအခါကိုယ်တော်က"လူတစ်ယောက်သည် ယေရုရှ လင် မြို့ကိုသွားရာလမ်းတွင် ဓါးပြများနှင့်တွေ့၍ သူ့ထံ ပါလာသောပစ္စည်းများကို လုယက်ခံရလေသည်။ ဓါးပြ တို့သည် ထိုလူအားရိုက်နှက်ပြီး သေလုမျောပါး ဖြစ်သွား သောအခါ ထွက်ပြေးကြလေသည်။ 31 ဘာသာရေး ခေါင်းဆောင်တို့သည် ထိုသို့ဖြစ်ပျက်ပြီးချိန်တွင် ထိုလမ်း အတိုင်းသွားလာခဲ့ကြ၏။ ထိုလဲကျနေသူကိုမြင်သောအခါ တစ်ခြားလမ်းတစ်ဖက်မှ ရှောင်ထွက်သွားကြ၏။ 32 ထို့ နောက်တွင် ဗိမာန်တော်စောင့် အလုပ်သမားတို့လည်း ထို နေရာသို့ရောက်ရှိလာကြ၏။ ထိုးနှက်ခံထားရသော ထိုလူ ကိုမြင်သော်လည်း၊ တစ်ခြားလမ်းတစ်ဖက်မှ ရှောင်ထွက် သွားကြပြန်၏။ 33 သို့ရာတွင် ရှမာရိအမျိုးသားတစ် ယောက်သည် ခရီးထွက်လာရာ ထိုလမ်းသို့ရောက်ရှိလာ၏။ သူသည်ထိုလူအားတွေ့သောအခါလွန်စွာစိတ်မကောင်းဖြစ် ပြီး 34 သူ့ထံသို့သွားလေ၏လူနာ၏ဒဏ်ရာများကိုသံလွင်ဆီနှင့်စပျစ်ဝိုင်တို့ဖြင့် ဆေးကြောလိမ်းကျံပြီး အဝတ်ဖြင့် စည်းနှောင်ပေး၏။ထို့နောက်သူသည်မြင်းပေါ်သို့တင်လျက်တည်းခိုရိပ်သာသို့ခေါ်ဆောင်သွားလေသည်။ထိုတည်းခိုရိပ်သာသို့ ရောက်သောအခါတွင် လူနာအားပြုစုစောင့်ရှောက် ပေးလေသည်။ 35 နောက်တစ်နေ့မိုးလင်းသောအခါ သူ သည် တည်းခိုခန်းပိုင်ရှင်အား ဒေနာရီ(ငွေဒင်္ဂါး)နှစ်ပြားကို ပေးပြီး "ကျေးစုပြု၍ဒီလူနာကိုပြုစုစောင့်ရှောက်ပေးပါ။ သူ့ကိုပြုစု၍ဒီထက်ကုန်ကျလျှင်လည်းကျွန်ုပ်ပြန်လာသည့်အခါပေးပါမယ်"ဟုအပ်နှံသွားလေသည်။ 36 ထို့နောက် ကိုယ်တော်က"ထိုလူသုံးယောက်အနက်ဓါးပြတိုက်ပြီးထိုး နက်ခံရတဲ့သူရဲ့အိမ်နီးချင်းအစစ်ဟာမည်သူဖြစ်ပါသလဲ"ဟုမေးလေ၏။ 37 ထိုကျမ်းတတ်ပုဂ္ဂိုလ်က" လူနာအပေါ် သနားကြင်နာသူသာဖြစ်ပါတယ်" ဟုဖြေလေသည်။ ကိုယ် တော်က“သင်လည်းထိုနည်းအတိုင်းဘဲပြုကျင့်ဆောင်ရွက်ပါ"ဟုမိန့်တော်မူလိုက်လေသည်။ 38 ကိုယ်တော်ယေရှုနှင့် တပည့်တော်တို့သည် ခရီးသွား နေစဉ် ရွာတစ်ရွာသို့ရောက်ရှိသွား၏။ ထိုရွာမှ"မာသ" အမည် ရှိသောအမျိုးသမီးတစ်ဦးသည် ကိုယ်တော်နှင့်သူ၏ တပည့်တော်များအား အိမ်သို့ပင့်ဆောင် လိုက်လေ၏။ 39 သူမတွင်"မာရိ"ဟု အမည်ရှိသော ညီမတစ်ယောက်ရှိ ရာ၊သူမသည်ကိုယ်တော်၏ရှေ့တွင်ထိုင်၍တရားတော်များကိုနာကြားနေလေသည်။ 40 ‘မာသ’မှာမူဧည့်သည်များ အတွက်ဧည့်ဝတ်ပြုရန် ဗျာများလျက် ရှိနေလေသည်။ နောက်ဆုံးတွင် သူမသည် ကိုယ်တော်ထံသို့ ချည်းကပ်၍ "အရှင်ဘုရား၊ကျွန်ုပ်၏ညီမသည် ကျွန်မကိုထားခဲ့သဖြင့် အမှုကိစ္စအားလုံး ကျွန်မတစ်ယောက်တည်း ဆောင်ရွက် ရပါတယ်၊ ကျွန်မ၏ညီမအား အရှင်ဘုရား အပြစ်မတင် ဘူးလား ကျွန်မကိုကူညီပေးဖို့ပြောပေးပါ” ဟုလျှောက်လေ 41 ၏။ ကိုယ်တော်က“မာသ ၊သင်ဟာများစွာသော အမှု ကိစ္စတွေအတွက် ဗျာများနေသော်လည်း လိုအပ်ချက် တစ်ခုရှိသေး၏။ 42 မာရိမှာ အကောင်းဆုံးတစ်ခုကို ရွေးချယ်ခဲ့ လေပြီ ထိုအရာကို သူမထံမှဖယ်ရှား၍ မရတော့ပေ" ဟု မိန့်တော်မူလေသည်။ |
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.