Mat. 1 - Tampulma

Yesu Kristo Nawaalsa Sɛmi

¹ Yesu Kristo nawaalsa nɛɛnɛ. Koor Devid funɛ ya Yesu nawaal bunirɛ. Abraham gbanko funɛ ya Yesu nawaal bunirɛ.

² Abraham be funɛ ya Aizik. Aizik be funɛ ya Jakɔb. Jakɔb be funɛ ya Juda awa o niinbisa.

³ Juda bisa funɛ ya Pirɛz awa Zɛra. Ba niina funɛ ya Tamar. Pirɛz be funɛ ya Hɛzrɔn. Hɛzrɔn be funɛ ya Ram.

⁴ Ram be funɛ ya Aminadab. Aminadab be funɛ ya Nasɔn. Nasɔn be funɛ ya Salmɔn.

⁵ Salmɔn be funɛ ya Bɔaz. O niina funɛ ya Rahab. Bɔaz be funɛ ya Ɔbɛd. O niina funɛ ya Rut. Ɔbɛd be funɛ ya Jɛsɛ.

⁶ Jɛssɛ be funɛ ya koor Devid. Devid be funɛ ya Solomon. O niina funɛ ya Yuraya haan.

⁷ Solomon be funɛ ya Rihɔbɔam. Rihɔbɔam be funɛ ya Abaija. Abaija be funɛ ya Asa.

⁸ Asa be funɛ ya Jɛhɔsafat. Jɛhɔsafat be funɛ ya Jɔram. Jɔram be funɛ ya Yuzaya.

⁹ Yuzaya be funɛ ya Jɔtam. Jɔtam be funɛ ya Ahaz. Ahaz be funɛ ya Hɛzɛkaya.

¹⁰ Hɛzɛkaya be funɛ ya Manasi. Manasi be funɛ ya Amɔn. Amɔn be funɛ ya Jɔsia.

¹¹ Jɔsaya be funɛ ya Jakonaya awa o niinbisa. Saha naa nara fun wa kpaksi Ju tima a kaali tɔhɔn naa ba funɛ yir Babilɔn chen di ba la nyɛn dooni.

¹² Ba funɛ la tel Babilɔn chen, Jɛkonaya awa o haan fun lul be naa ba funɛ yir Sialtiɛl. Sialtiɛl be funɛ ya Zɛrubabɛl.

¹³ Zɛrubabɛl be funɛ ya Abayud. Abayud be funɛ ya Ilayakim. Ilayakim be funɛ ya Ezɔr.

¹⁴ Ezɔr be funɛ ya Sadɔk. Sadɔk be funɛ ya Ekim. Ekim be funɛ ya Ilayud.

¹⁵ Ilayud be funɛ ya Ɛliezar. Ɛliezar be funɛ ya Mattan. Mattan be funɛ ya Jakɔb.

¹⁶ Jakɔb be funɛ ya Josɛf naa ya Mɛri baal. Mɛri funɛ ya Yesu niina. Yesu funɛ ya Kristo naa Koosa fun ŋɔ di o zi wa tumu wuzu digi chen.

¹⁷ I gur nyama awa bisa a lagmi dɔŋ ni Abraham saha ti hali a wa tel Devid saha, ba funɛ ya nyama fidanaasiwa awa bisa fidanaasi. I gur ba a lagmi dɔŋ ni Devid saha ti hali saha naa ba fun wa kpa Ju tima a kaali Babilɔn, ba funɛ ya nyama fidanaasiwa awa bisa fidanaasi. I gur ba a lagmi dɔŋ ni chen saha ti hali saha naa ba fun wa lul Yesu Kristo, ba funɛ ya nyama fidanaasiwa awa bisa fidanaasi.

Chenani Ba Fun Lul Yesu Kristo

¹⁸ Chen funɛ tum ka ba zi lul Yesu. O niin Mɛri fun la nɔɔni di o kaa yu baal naa ba funɛ yir Josɛf, amaa o ha wa fun la o baal ti dama. Chen saha tirɛ o fun zim di Koosa siim weri nyɛ o kpak lo.

¹⁹ Josɛf funɛ ya wuti tiinne. Chendaha o funɛ daŋni o tum chenani deŋlee. O wa funɛ daŋni o du Mɛri wa hiisa nara suwachak ni a la daŋni o sogli a vɛ un.

²⁰ Josɛf funɛ lisi a nama maga, Koosa malaikasi ta digi fun wa o wati. Josɛf fun na un a chi oo deesi. Malaika ti fun ŋɔ un, “Josɛf, Devid bi luli, Koosa siim weri ti nyɛ Mɛri kpak lo. Ta ɔmi wa i kpa un wa i dama.

²¹ O zi lul nibabichɛlau. O wa bi, o zi wa yisi ba naa Koosa fun lisi nyɛ o titi niu a li ba tum tagna ni. Chendaha o lawa i du o sɔnu Yesu.” Malaika ti fun kaali.

²² Kin naa maga funɛ ya chenani Koosa witinsi ta digi fun sɔbi a li Koosa sɛm tɔn ti ni saha digi zi wa ya wutiu.

²³ O fun ŋɔ di, “Butowe naa vɛ zim nibaal o zi wa kpak lo a lul nibabichɛla. Ba zi wa yir unu Imanuɛl. Sɔn ti mun ya, ‘Koosa nyɛn ya wati’.”

²⁴ Josɛf funɛ si do bar chɔɔli ni, o funɛ tum chenani Koosa malaika ti fun ŋɔ unu a kpa Mɛri a kaali o dama.

²⁵ Amaa o wa un waa fun chɔ hali o wa lul o nibabichɛl ti. O funɛ wa lul un, Josɛf fun du o sɔn Yesu.