Buk Song 87 - Buk Baibel long Tok Pisin

Ol i amamas long Jerusalem

Dispela song em song bilong ol lain Kora. Em i song bilong lotu.

¹ God i bin wokim taun bilong en long maunten bilong em yet.

² Bikpela i laikim olgeta arapela ples long Israel, tasol em i laikim tumas Jerusalem.

³ Ol manmeri bilong taun bilong God, yupela harim. God i mekim gutpela gutpela wok long yupela.

⁴ God i tok olsem, “Taim mi kaunim ol lain manmeri i save bihainim tok bilong mi, bai mi kaunim ol Isip na Babilon wantaim ol. Na bai mi tokim ol Filistia na Tair na Itiopia olsem, ol tu i bilong Jerusalem.

⁵ Bai mi tok long Jerusalem olsem, ‘Em i ples bilong olgeta lain manmeri.’” Na God Antap Tru, em yet bai i sanapim Jerusalem na mekim em i stap strong olgeta.

⁶ Bikpela bai i raitim nem bilong ol arapela lain manmeri, na em bai i bungim ol na kaunim ol wantaim ol manmeri bilong Jerusalem.

⁷ Na ol manmeri i stap long Jerusalem bai ol i singsing na amamas. Na bai ol i tok, “Jerusalem, yu as bilong olgeta gutpela samting mipela i gat.”