Yoswa 12 - Tonga Bible 1986

Ŵakaronga wo ŵaYisraele ŵangupunda

¹ Yaŵa mba karonga ŵa charu chiya, wo ŵaYisraele ŵanguthereska, ndi kuja mu charu chawo kusirgha kwa Yordane kuchiri kukutuliya kwa dazi, kwamba ku dambo la Arnoni kwachifika ku phiri la Hermoni, pamoza ndi Araba yose kuchiri ku vuma:

² Sihoni karonga wa Amoni wo ŵajanga mu Heshiboni, ndipo wanguwusa kutuwa ku Aroere yo we mumphepete mwa dambo la Arnoni, ndi kutuwa pakati pa dambo mpaka ku msinji wa Yaboko, mphaka ya Amoni ndiku kuti lwandi la charu cha Gileada,

³ ndi Araba, ku nyanja ya Kineroti ku chiri ku vuma, ndi kurata ku Betejeshimoti, ku nyanja ya Araba, Nyanja ya Mche, kuchiri ku malaŵi kuya kusina kwa sendemu za Pisiga;

⁴ ndi Ogi karonga wa Bashani, yumoza wa wakujapo wa ŵaRefa, wo ŵajanga pa Hoshitaroto ndi pa Edrei,

⁵ wanguwusa pa phiri Hermoni ndi Saleka ndi Bashani yose ku mphaka ya ŵaGeshuru ndi ŵaMakata, kujumpha ndi lwandi la Gileada kufika ku mphaka yaku Sihoni karonga wa Heshiboni.

⁶ Mosese, mteŵeti wa Ambuya, ndi ŵaYisraele ŵanguŵathereska; ndipo Mosese mteŵeti wa Ambuya wangupaska charu chawo kuŵachihara ku ŵaRubene ŵaGadi ndi nusu wa fuku la ŵina Manase.

⁷ Ndipo yaŵa mba karonga ŵa charu chiya, wo Yoswa ndi ŵaYisraele ŵanguthereska ku chiri kuzambwe kwa Yordane, kutuwa ku Balgada mu dambo la Lebanoni kurazga ku phiri la Halaka, lo litunthumukiya ku Seiri (Yoswa wangupaska charu chawo ku mafuku gha ŵaYisraele kuŵa chihara kwakuyana ndi vigaŵa vyawo,

⁸ mu charu cha mtunthu, mu charu cha chidika, mu Araba, mu masendemu, mu mabozwa, ndi mu Negebu, charu cha ŵaHiti, Amoni, ŵaKanani, ŵaPerese, ŵaHivi, ndi ŵaYebusi):

⁹ Karonga waku Yeriko yumoza; karonga waku Ai, wo ŵe pafupi ndi Betele yumoza;

¹⁰ karonga waku Yerusalemu yumoza, karonga waku Hebroni yumoza;

¹¹ karonga waku Yarmutu yumoza, karonga waku Lakishi yumoza;

¹² karonga waku Egloni yumoza, karonga wakugezere yumoza;

¹³ karonga waku Debiri, yumoza, karonga waku Gedere, yumoza;

¹⁴ karonga waku Horma yumoza; karonga waku Arada, yumoza;

¹⁵ karonga waku Libina yumoza; karonga waku Adulama yumoza;

¹⁶ karonga waku Makeda, yumoza, karonga waku Betele yumoza;

¹⁷ karonga waku Tapua, yumoza; karonga waku Hefere, yumoza;

¹⁸ karonga waku Afeke, yumoza; karonga waku Lasharoni, yumoza;

¹⁹ karonga waku Madoni, yumoza; karonga waku Hazoro, yumoza;

²⁰ karonga waku Shimrono-Meroni, yumoza; karonga waku Akishafa, yumoza;

²¹ karonga waku Tanaka, yumoza; karonga waku Megido, yumoza;

²² karonga waku Kedeshi, yumoza; karonga waku Jekonema, muKarmele, yumoza;

²³ karonga waku Doro muNafatadoro, yumoza; karonga waku Goimi muGalile, yumoza;

²⁴ karonga waku Tiriza, yumoza; wose pamoza, wakaronga machumi ghatatu pachanya yumoza (31).