ŴaFilipi 1 - Tonga Bible 1986

¹ Kalata wakutuwa kwaku Paulo ndi Timote ŵateŵeti ŵaku Kristu Yesu, wose ŵakupaturika mwaku Kristu Yesu, wo ŵe mu Filipi pamoza ndi ŵaliska ndi ŵamlimu.

² Wezi kwaku imwe, ndi chimangu, kutuwa kwaku Chiuta Auskefwe ndi Mbuya Yesu Kristu.

Paulo warombe warongozgi ŵa mpingu yake

³ Ndiwonga Chiuta wangu pakukumbuka kwangu kose kwa paku imwe.

⁴ Nyengo zose mu niniziku langu chifukwa chaku mose ndichita kuninizika ndi chimwemwe,

⁵ pa chifukwa cha wanase winu mu kuwandiska evangeli kutuwa ku zuŵa lakudanga mpaka kuno ku le.

⁶ Ndawakugomekezga chenichi chakuti, yo wangwamba mwinu nchitu yamampha, wamkuyifiska mpaka zuŵa laku Yesu Kristu.

⁷ Nchakwenere kwaku ine kumughanaghaniyani, pakuti mu magoŵa ghangu ndi so mu chiŵekeru ndi chikhozgeru vya evangeli nde namwe mu mtima, pakuti mose mwe ŵakusangana nane wezi weniwo.

⁸ Chifukwa liuta ndi kaboni wangu, pakuti nditikunwekiyani mose mu vyachitima vyaku Kristu Yesu.

⁹ Ndipo chenichi ndiromba, kuti chanju chinu chikiyekiye ukongwako mu mziŵiru ndi kuwamo kose;

¹⁰ viyo kuti mupanikizge cho nchamampha; ndi kuti muŵe ŵakhovu ndi ŵambura kalema mu zuŵa laku Kristu;

¹¹ pakuzazika ndi vipasi vya urunji, vyamwaku Yesu Kristu, ku unkhankhu ndi rumbu laku Chiuta.

¹² Kweni ndikhumba kuti muziŵe, mwa ŵabali, kuti vyo vyandiŵiya nadi vyaŵiya mu kundovya kurutirizga evangeli;

¹³ viyo kuti magoŵa ghangu ghawoneka mose mu nyumba yaufumu, ndi ku ŵakujapo wose, kuti ngapa chifukwa chaku Kristu;

¹⁴ ndipo urapasi wa ŵabali ŵakugomekezga mu Mbuya pa chifukwa cha magoŵa ghangu ŵasoke kali muchanya kukamba mazu ghaku Chiuta kwambura wofe.

¹⁵ Wanyake nadi ŵataula Kristu chifukwa cha sanji ndi suskanu; kweni wanyake mu likondwa lamampha;

¹⁶ yaŵa nadi ŵatutuzgika ndi chanju, ŵaziŵa kuti nchifukwa cha kuvikiriya evangeli rekani ndisanirika pano ndiri;

¹⁷ kweni ŵanyake wo kutuwa ku matukutuku ghawo ŵataula Kristu, kwaukhovu cha, kweni pakukhumba kuti mphanyi ŵakuskiyako suzgu kumagoŵa ghangu.

¹⁸ Na, kwati? Chakuziŵikwa nchakuti manyi ndi mu chinyengo pamwenga mu uneneska, Kristu wataulika; ndipo paku chenichi ndikondwere.

¹⁹ Ndipo so nkhakondwerenga. Chifukwa ndiziŵa kuti kuporote mu marombu ghinu ndimu chovyu cha Mzimu waku Yesu Kristu ichi chikaŵanga chipozomosku changu,

²⁰ uli nchilereze cho ndinweka ndi chigomekezgu changu, chakuti ndingalengeskeka mu kanthu kamoza cha, kweni kuti mu chiganga chose sono nge ndi nyengo zose, Kristu wakuzgikiyenge mu liŵavu langu, manyi ndi mu umoyo, pamwenga mu nyifwa.

²¹ Chifukwa kwaku ine kujariya wamoyo ndi Kristu, ndipo kufwa nchanduwu.

²² Kweni asani kujariya wamoyo mu liŵavu kutinding'anamuliya chipasi cha nchitu yamampha, iku kuti ndiziŵa cha cho nkhasankhanga.

²³ Kweni nde mu gangang'u pakugho ghaŵi. Linweka langu nda kuruta ndi kujariya pamoza ndi Kristu; chifukwa ichi nchamampha ukongwa kwakuruska:

²⁴ kujaririya mu liŵavu kukhumbikwa kwakuruska chifukwa chinu.

²⁵ Ndipo pakugomekezga chenichi, ndiziŵa kuti nkhajaririyanga ndi kutandara pamoza ndi mose, ku kakiyakiyidu kinu ndi chimwemwe mu chivwanu;

²⁶ alinga kuti mwaku ine chitumbwa chinu chifurwiyenge mwaku Kristu Yesu, chifukwa cha kuŵapo so kwangu pamoza namwe.

²⁷ Chenichi pe, mujijariye kwakwenere evangeli waku Kristu: alinga kuti, chingana nthuza kumuwonani, pamwenga chingana ndiŵe kunyake, ndivwenge vyapaku imwe, kuti mumiya mu mzimu umoza, ndi mtima umoza ŵakurwiya pamoza chivwanu chamu evangeli;

²⁸ pakofyeka ndi kanthu kanyake ndi ŵamawongu wo cha. Ndipo ichi nchisimikizgu chakupasuka kwawo kweni kwaku imwe mbutaski, chenicho nacho chikutuwa kwaku Chiuta.

²⁹ Pakuti kwaku imwe kwapaskika kwawezi pa chifwa chaku Kristu kuvwaniya mwake pe cha, kweni so kukomwe pa chifukwa chaku iyo,

³⁰ pakuŵa ndi mlimbalimba wo, weniwo munguwona ndipo sono mutuvwa kuti we mwaku ine.