Sumu 96 - Tonga Bible 1986Mdano wakusopa Ambuya mweruzgi wakurunjika ( 1 Mikoka 16.23-33 ) 1 Mbiyani Ambuya sumu yifya; mbiyani Ambuya, mose mwa ŵa charu chapasi! 2 Mbiyani Ambuya, ndipo ŵatumbikeni! Zuŵa ndi zuŵa kambani makani ghamampha kuti ŵatitaska! 3 Memezani unkhankhu wawoku mitundu, nchitu zawo zakuziziswa mu mafuku gha ŵanthu. 4 Pakuti ndi mura Mbuyafwe, ndipo ngwakwenere kurumbikadi; watenere kopeka ukongwa kwakuruska ŵachiuta wose. 5 Chifukwa ŵachiuta wose ŵa ŵanthu mbangoza pe; kweni Ambuya ŵakwata machanya. 6 Unkhankhu ndi ukaronga vitimukuka; nthazi ndi kutowa vyemu malo ghake ghakupaturika. 7 Mwa ŵanthu mose mwa pasi, rumbani Ambuya! Rumbani ndi nthazi unkhankhu wawo wakwenere zina lawo. 8 Paskani ku Ambuya unkhankhu wakwenere zina lawo; nyamuwani mpasku, ndipo zaninga mu maluluwa ghawo! 9 Sopani Ambuya mu utozi ndi urunji; charu chose chitentheme paurongo pawo. 10 Nenani ku mitundu yose, “Ambuya ausa! Inya, charu chikumiskika, kuti chikasukuniskikanga so cha; ŵeruzgenge makhamu mu kurunjika.” 11 Ghakondwe machanya, changare chare chapasi; uruma wa nyanga we, ndi vyose vya mwenimo; 12 minda yitumbwe, ndi vyose vyo virimo! Sono miti yose yamu dondo yikambuyliyenge likondwa 13 paurongo pa Ambuya, chifukwa, atuza kweruzga charu chapasi. Ŵeruzgenge charu mu urunji, ndi makhamu mu ukongorekwa wawo. |
Bible Society of Malawi
Bible Society of Malawi