Sumu 93 - Tonga Bible 1986

Unkhankhu waku Chiuta

¹ Ambuya ausa, avwara unkhankhu, akuvwara ndi kujichinyiriya ndi nthazi. Inya, charu nacho chikukhozgeka; ndipo kuti chikasukunikanga cha;

² chamiskika chitengo chinu cha ufumu kutuwa ku mwaka; kutuwa ku muyaya ndimwe.

³ Ndimba za nyanja zisamphuska mazu ghawo, Ambuya; ndimba zisamphuska mazu ghawo ndi kuwuruma.

⁴ Ambuya ausa, apachanya mu machanya, mbakuru kuruska kuwuruma kwa nyanja, mbanthazi weniukongwa kuruska mayigha gha nyanja.

⁵ Visimisimi vinu vyakukho ukongwa; utuŵa uzaza nyumba yinu, Ambuya, muyaya ndi muyaya.