Sumu 87 - Tonga Bible 1986

Mwaŵi wa kuja mu Zioni

Sumu ya ŵana ŵaku Kora

¹ Chiuta wazenga muzi wake pa phiri lakupaturika;

² watanja msumba wa Yerusalemu kwakuruska malo ghose ghanyake mu Yisraele.

³ Ayivwa, wamsumba waku Chiuta, vinthu vyakuziziswa vyo wakamba paku iwe.

⁴ “Ndichiŵerenga mitundu yo yitindiziŵa, ndikasazgiyangako Egipiti ndi Babiloni; ndikambenge vyaku Filistia, Turo, ndi Etiopia, kuti nawo we kwaku Yerusalemu.”

⁵ Ghaku Zioni ŵakatinge, mitundu yose nja mwenimuwa, ndipo ŵapachanya Limu ndiyo wakaukhozganga.

⁶ Ambuya akalembanga ndondomeko ya ŵanthu, ndikuŵasazga wose nge mbeni msumba wa Yerusalemu.

⁷ Ŵakumba ndi ŵakuvina wose ŵatiti, “Vyakujamo vyango vyose vye mwaku imwe.”