Sumu 8 - Tonga Bible 1986

Unkhankhu waku Chiuta ndi ulemu wa munthu

Kuwakumba mura: pa Gitithi. Sumu yaku Davidi

¹ A Chiuta, Mbuyafwe, ndakurumbika mbwenu zina linu mu charu chose chapasi! Imwe unkhankhu winu we mu malo ghakuchanya.

² Utamulika mu milomo ya malitema ndi ŵakonkha, imwe mwakhozga linga chifukwa chaŵakupindikana ŵinu, kuti murekeske ŵamawongo ndi ŵakutaya thayu.

³ Po ndilereska machanya ghinu, nchitu ya manja ghinu, mwezi ndi nyenyezi vyo mukumika.

⁴ Njani munthu kuti mumukumbuke, ndi mwana wa munthu kuti muchezge nayo?

⁵ Pakuti mwamuperezgako kamanavi kwaku Chiuta, ndipo mwamuvwarika unkhankhu ndi ulemu.

⁶ Mwamupaska muusu pa nchitu zamanja ghinu; mwaŵika vinthu vyose pasi pa marundi ghake,

⁷ mberere zose ndi ng'ombe, ndipo nyama zose zamu dondo,

⁸ viyuni vya mude ndi somba zamu nyanja, chose chakuruta mu nthowa zamu nyanja.

⁹ A Chiuta, Mbuyafwe, ndakurumbika mbwenu zina linu mu charu chose chapasi!