Sumu 76 - Tonga Bible 1986

Nthazi zakuvivya zaku Chiuta waku Yakobe

Ku wakumba mura; pa vya malisinga. Sumu yaku Asafi

¹ Chiuta waziŵikwa mwaku Yuda, zina lake ndikuru mwaku Yisraele.

² Muzi wake wemu Yerusalemu; waja pa phiri la Zioni.

³ Penipo wafyo mivwi ya ŵarwani, nguru zawo, malipanga ghawo, inya, pamoza ndi vyakurwiya vyawo vyose.

⁴ Wa ukweru ndimwe, A Chiuta! Nawo mbunkhankhu wendi imwe, muchiwe kutuliya ku mapiri, kweniko munguthereska ŵamawongo ŵinu!

⁵ Ŵankhondo ŵawo ŵakukhwima mtima ŵakuskoweka, ndipo sono ŵagona, ŵagona tulo twa nyifwa; palivi nanga njumoza wakusiyika wakuti wako vyakurwiya vyawo.

⁶ Po munguŵawofya, A Chiuta waku Yakobe, vyose ŵakavalo ndi ŵakugarapo ŵawo ŵanguwa, ŵangufwa.

⁷ Kweni ŵanthu ŵatopa imwe! Njani yo wangaziŵa kuma pa maso pinu asani mwatundiya?

⁸ Mwaziŵiska cheruzgu kutuliya kuchanya; charu chingutenthema ndipo chingujaka yi,

⁹ po Chiuta wangusoka kupereka cheruzgu, kutaska wose ŵakukandirizgika mu charu.

¹⁰ Ukari wa ŵanthu utuziya pa kumurumbani imwe; wo ŵapozomoka ku zinkhondo ŵakasunganga madghera ghinu.

¹¹ Paskani Ambuya Chiuta winu cho mungupangana nayo; mose mwa mitundu yapafupi, paskani vya wanangwa kwaku iyo, kwakumweniyo ngwakwenere kopeka;

¹² yo wadumuwa mzimu ya mafumu; ngwakofya ku ŵakaronga ŵa charu chapasi.