Sumu 67 - Tonga Bible 1986

Kuchichizga ŵanthu kurumba Chiuta

Ku wakumba mura; pa vyamalisinga. Sumu

¹ Chiuta, mutichitiye wezi mutitumbike, mungweruske chisku chinu paku ifwe.

² Alinga kuti charu chose chiziŵe khumbu linu, mwakuti mitundu yose yiziŵe utaski winu.

³ Ŵanthu ŵarumbe imwe, A Chiuta; mafuku ghose gharumbe imwe.

⁴ Yangare mitundu yose mu sumu za chimwemwe, chifukwa muteruzga makhamu mu urunji, ndi kurongozga mitundu yose.

⁵ Ŵanthu ŵarumbe imwe, A Chiuta; mafuku ghose gharumbe imwe!

⁶ Charu chapasi chapaska mwandanu wake; Chiuta, Chiuta widu, watitumbika.

⁷ Chiuta watitumbika; ndipo ŵanthu wose kosekose ŵamutumbike.