Sumu 61 - Tonga Bible 1986

Chigomekezgu chakuti Chiuta wavikiriyenge

Ku wakumba mura; pa cha malisinga. Sumu yaku Davidi

¹ Avwani kuliya kwangu, A Chiuta, tegherezgani kurombu langu;

² kutuliya ku chigoti cha panu pasi ndidana kwaku imwe, penipo mtima wangu wavuka. Ndirongozgeni ine, ku jarawi lo nditali kwakuruska ine;

³ pakuti imwe mwaŵa chakudingang'amo changu, chitanthali chakukho ku murwani.

⁴ Zomerani kuti ndijenge mu hema linu muyaya! Kuja kwakudekha kusi ku chiduzi cha mapapiku ghinu!

⁵ Chifukwa imwe, A Chiuta mwavwa marapu ghangu, mwanditore mu chihara cha ŵakopa zina linu.

⁶ Rutirizgani umoyo wa karonga; virimika vyake vifike ku migonezi yose!

⁷ Wajarikike pa chitengo pa maso paku Chiuta muyaya; languliyani kuti chifundu ndi kugomezgeka vimuvikiriye!

⁸ Viyo ndikoŵeriyenge marumbu ku zina linu, po ndipereka marapu ghangu zuŵa ndi zuŵa.