Sumu 53 - Tonga Bible 1986

Uzereza ndi ulakwi wa ŵanthu

Ku wakumba mura; pa Mahalati. Sumu yaku Davidi

¹ Muzereza watiti mu mtima wake, “Kulivi Chiuta.” Mbakuvunda, ŵachita ukazuzi; kulivi nanga njumoza wakuchita umampha.

² Chiuta kuchanya walereska pa ŵana ŵa ŵanthu, kuti wawone vinu wangaŵapo wazeru, wakupenja Chiuta.

³ Wose ŵawere kuvuli; wose ŵakazuzgikiya pamoza; kulivi nanga njumoza wakuchita umampha, ndithu, nanga njumoza kulivi.

⁴ Kumbi ŵareka kuziŵa ŵakuchita utimbanizi, wo ŵaturgha ŵanthu ŵangu uli ndimo ŵarghiya chiŵande, ndipo kuti ŵadana Chiuta cha?

⁵ Ehe ko ŵali, mu chitenthe chikuru, mu chitenthe chenicho nanga ndi kalikuti chikuŵapo cha! Pakuti Chiuta waparghang'enge viwanga vya wambura kuziŵa Chiuta; ŵalengeskekenge, pakuti Chiuta waŵapata.

⁶ Okwe mphanyi utaski waku Yisraele watuliya mu Zioni! Penipo Chiuta wawezge mwaŵi ŵanthu ŵake, Yakobe wangarenge ndipo Yisraele wakondwenge.