Sumu 47 - Tonga Bible 1986

Chiuta ndi karonga wa charu chose

Ku wakumba mura. Sumu ya ŵana ŵaku Kora

¹ Mwa ŵanthu mose kuŵammanja! Bongoliyani Chiuta ndi kukambura mu sumu za kukondwa!

² Pakuti Ambuya, Apachanya limu, mbakofya, ndi karonga mukuru pa charu chose chapasi.

³ Wakutithereske ŵanthu ndi mitundu pasi pa marundi ghidu.

⁴ Wakutisankhiya chihara chidu, kujikuzga kwaku Yakobe mweniyo watanja.

⁵ Chiuta wakwere ndi kukambura, Ambuya ndi chizozu cha mbata.

⁶ Koŵeriyani marumbu kwaku Chiuta, koŵerani marumbu! Koŵeriyani marumbu ku karonga widu, koŵerani marumbu!

⁷ Pakuti Chiuta ndi karonga wa charu chose; mbani marumbu ndisumu!

⁸ Chiuta wausa pachanya pa mitundu; Chiuta waja pa chitengo chake chakupaturika.

⁹ Mafumu gha mitundu ya ŵanthu ghaungana nge mbanthu ŵaku Chiuta waku Abrahamu. Chifukwa zaku Chiuta nguru za panu pasi; ngwakukwezgeka ukongwa!