Sumu 46 - Tonga Bible 1986

Chiuta nchakudingang'amo cha ŵanthu ŵake Ku wakumba mura. Sumu ya ŵana ŵaku Kora; pa Alamote

¹ Chiuta nchakudingang'amo chidu ndinthazi yidu, movya wakusanirika ukongwa mu suzgu.

² Viyo kuti topenge cha, nanga chisanduka charu chapasi, nanga mapiri ghasukunika mu mtima wa nyanja;

³ nanga ghauruma ndi kuvunduka maji ghake, inya, nanga mapiri ghatethema ndi kutukumuka kwake.

⁴ Kwe msinji wo maji ghake ghakondweska msumba waku Chiuta, uja wakupaturika wa wapachanya limu.

⁵ Chiuta we mukati mwake, kuti usukunikenge cha; Chiuta wawovyenge kwambura kuswera.

⁶ Yinguuruma mitundu, ghangusukunika maufumu; wakamba mazu ghake, charu chapasi chisongonoka.

⁷ Ambuya ŵa maŵanja ŵe pamoza nafwe; Chiuta waku Yakobe nchakudingang'amo chidu.

⁸ Zaninga, wonani nchitu za Ambuya, mo achitiya mapopa mu charu.

⁹ Arekeska zinkhondo mpaka ku chigoti cha charu chapasi; uta afyo, ndi kuwaruwa mkondo, magareta atocha ndi moto!

¹⁰ “Jani chete, ndipo ziŵani kuti ine ndine Chiuta. Ndikutumphuskika mukati mu mitundu, ndikutumphuskika mu charu chapasi!”

¹¹ Ambuya ŵa maŵanja we pamoza nafwe; Chiuta waku Yakobe nchakudingang'amo chidu.