Sumu 43 - Tonga Bible 1986

Kurombe kutaskika

¹ Nderuzgeni, A Chiuta mundikambiye mlando wangu ndi ŵanthu ŵambura kuziŵa Chiuta; ku ŵanthu ŵakupasika ndi ŵakubende nditaskeni!

² Pakuti imwe mwa ŵaChiuta mwaku mweniyo ndidingang'a; kumbi mwandijowoliyanji? Chifukwa chine nditenda ndichitenje, pa kuzitiskika ndi murwani?

³ Tumani ukweru winu ndi uneneska winu; vindirongozge, vindifikiske ku phiri linu lakupaturika ndi kweniko muja imwe!

⁴ Penipo ndipo ndikarutanga ku jochero laku Chiuta, kwaku Chiuta chimwemwe changu chakuruska; ndipo ndikatumbikanga imwe ndi bangwe, A Chiuta, Chiuta wangu.

⁵ Wa wiyanji pasi, wa mzimu wangu, utamanthiyanji mukati mwangu? Gomezga mwaku Chiuta; chifukwa ndikamurumbanga so, movya wangu ndi Chiuta wangu.