Sumu 3 - Tonga Bible 1986

Rombu la mlenji lakugomekezga Chiuta

Sumu yaku Davidi, pakuthaŵa iyo ku chisku chaku Absalomu mwana wake

¹ Ambuya, mbanandi mbwenu ŵakupindikana nane! Mbanandi ŵakundiyukiya;

² ŵanandi ŵakamba vya paku ine, mwaku Chiuta mulivi chovyu chake.

³ Kweni imwe, Ambuya, mwe nguru kwakundizunguliya, unkhankhu wangu, ndi wakuyuska mutu wangu.

⁴ Ndidanirizga ukongwa ku Ambuya, ndipo atindimuka kutuliya mu phiri lawo lakupaturika.

⁵ Ine ndingugona pasi ndingura tulo; ndinguyuka so, chifukwa Ambuya atindivikiriya.

⁶ Kuti nditopa cha vikwi chumi vya ŵanthu wo ŵajiŵika kumikana nane kwakundizunguliya.

⁷ Sokani, Ambuya mwe! Nditaskeni mwa Chiuta wangu! Pakuti Imwe mwakoso ŵarwani ŵangu wose pa dakama, mwaphwanya minyu gha ŵaheni.

⁸ Utaski weku Ambuya; chitumbiku chiŵe pa ŵanthu ŵinu!