Sumu 21 - Tonga Bible 1986

Kurumba kutaskika kwa karonga Ku wakumba mura. Sumu yaku Davidi

¹ Ambuya, mwe, karonga wakondweriyenge mu nthazi zinu; ndipo mu chovyo chinu wakwezgeka ukongwa!

² Imwe mwamupaska linweka la mtima wake, ndipo pemphu la milomo yake kuti mwamunora cha.

³ Chifukwa mwakumana nayo ndi vitumbiku vyamampha, mukuŵika pa mutu wake chifuku cha golide lakwengeka.

⁴ Umoyo wo wangupempha kwaku imwe; mwamupaska, utali wa mazuŵa muyaya ndi muyaya.

⁵ Unkhankhu wake ngukuru chifukwa cha chovyo chinu; ulemu ndi ukuru mukuvwarika paku iyo.

⁶ Inya, imwe mwamutumbika muyaya; mwamukondweska ndi chimwemwe pa maso pinu.

⁷ Pakuti karonga wagomekezga mu Ambuya; ndipo mu chifukwa cha chanju chikuru cha wapachanya limu kuti wasukuniskikenge cha.

⁸ Janja linu lisaniyenge ŵarwani ŵinu wose; janja linu lakurghiya lisaniyenge wo ŵatimutinkhani.

⁹ Muŵachitenge nge ndi ng'anjo ya moto muchiwoneka imwe. Ambuya aŵamezenge mu ukari wawo; ndipo moto uŵarghenge.

¹⁰ Imwe muparghang'enge mphapu yawo mu charu chapasi, ndi ŵana ŵawo mukati mu ŵana ŵa ŵanthu.

¹¹ Asani ŵanozga kukuchitiyani uheni, asani ŵarunguruka chiŵembu, ŵatondekenge kuchichita.

¹² Pakuti muŵadikiskenge; ndi mauta ghinu mudunjikenge pa visku vyawo.

¹³ Mutumphuskike, Ambuya mu nthazi zinu! Timbenge ndi kutumbika mazaza ghinu.