Sumu 20 - Tonga Bible 1986Kurombe kugodeka kwa ŵamawongo Kuwakumba mura. Sumu yaku Davidi 1 Wamuke iwe Chiuta mu zuŵa la suzgu! Zina laku Chiuta waku Yakobe likuvikiriye! 2 Watume chovyo kwaku iwe kutuwa mu malo ghake ghakupaturika, ndipo wakuchirikizge kutuwa ku Zioni! 3 Wakumbuke mipasku yako yose, ndipo waronde sembe zako zakocha! 4 Wakupaske nge nkhunkhumba kwa mtima wako, ndi kufiska fundu zako zose! 5 Tikamburiyenge ndi likondwa mu upundi winu, ndipo mu zina laku Chiuta widu tijinthenge mbendera! Ambuya afiske mapemphu ghako ghose! 6 Sono ndiziŵa kuti Ambuya akawovyanga wakupakika wawo; amukenge iyo kutuwa kuchanya kwawo kwakupaturika ndi nthazi za upundi za janja lawo la marghe. 7 Ŵanyake ŵathamiya magareta, ŵanyake ŵathamiya ŵakavalo; kweni ifwe tithamiya mu zina la Ambuya Chiuta widu. 8 Iwo ŵabwanthuskikenge ndi kuwa pasi; kweni ifwe tikayukanga ndi kuma chiliri. 9 Ambuya Mwe, perekani upundi ku karonga; mutamuke tichidana. |
Bible Society of Malawi
Bible Society of Malawi