Sumu 2 - Tonga Bible 1986

Wakupakika wa Ambuya wausa

¹ Yimotokiyanji kwakuwawata mitundu, ndipo ŵanthu ŵarungurukiyanji chawaka?

² Ŵatijimiska ŵakaronga ŵa pasi, ndi ŵeruzgi ŵachita upu pamoza, kumikana ndi Ambuya ndi ŵakupakika ŵawo, ŵatiti,

³ “Tidumuwe vyakumangiya vyawo ndi kutuzgapo pidu vingwi vyawo.”

⁴ Iyo wakuja mu machanya wasekenge; Ambuya awerenge iwo.

⁵ Penipo akakambanga nawo mu kandundu kawo ndi aŵatenthemeskenge mu ukari wawo, kuti,

⁶ “Ndamika karonga wangu pa Zioni, phiri langu lakupaturika.”

⁷ Ndikambenge vya langulu la Ambuya: Angundinene, “Ndiwe mwana wangu, msana wale ndakubara iwe.

⁸ Ufumbe kwangu, ndipo ndichitenge mitundu kuŵa chihara chako, ndi nge nchakusakata chako vigoti vya charu chapasi.

⁹ Uŵausenge ndindodo ya chisulo, ndi kuŵaphwanya tumana tumana nge nchiŵiya cha muwumbi.”

¹⁰ Chifukwa ichi sono, mwa ŵakaronga, muŵi ŵazeru, mulangike, mwa ŵeruzgi ŵa charu chapasi.

¹¹ Teŵetiyani Ambuya ndi wofi, ndi chitenthe.

¹² Fyofyonthani marundi ghawo, vinu angakaripa, ndi mungamariya mu nthowa; pakuti ukari wawo ukole ruŵi. Mbakutumbikika wose wo ŵadingang'a mwaku iwo.