Sumu 150 - Tonga Bible 1986

Vyose vimbe mu kurumba Ambuya

¹ Rumbani Ambuya! Rumbani Chiuta mu malo ghake ghakupaturika; rumbani nthazi zake mu machanya!

² Murumbeni chifukwa cha vinthu vikuru vyo wachita! Murumbeni kwakuyana ndi ukuru wake wakuruska!

³ Murumbeni ndi chizozu cha mbata! Murumbeni ndi bangwe ndi kaligu!

⁴ Murumbeni ndi zing'oma ndi kuvina! Murumbeni ndi vya malisinga ndi fyoliro!

⁵ Murumbeni ndi vijeri vyakujewereska, murumbeni ndi vijeri vyakuyeyeta.

⁶ Chose chakuŵa ndi umoyo chirumbe Ambuya! Rumbani Ambuya!