Sumu 149 - Tonga Bible 1986

Kudana Yisraele kurumba Ambuya

¹ Rumbani Ambuya! Mbiyani Ambuya sumu yifya; arumbeni mu unganu wa ŵakongorekwa ŵawo!

² Wakondwere, Yisraele mu Mlengi wake; ŵakondwe, ŵana ŵaku Zioni, mukaronga wawo!

³ Ŵarumbe zina lawo ndi kuvina; kuŵarumba pakumba ng'oma ndi bangwe.

⁴ Ambuya akondwere ndi ŵanthu ŵawo; atumbika ŵakujiyuyuwa ndi upundi.

⁵ Ŵakongorekwa ŵangare mu unkhankhu; ŵambenge ndi chimwemwe mu vita vyawo.

⁶ Ŵakambure ndi kubongo pakurumba Chiuta, ndi malipanga ghakuthwa mu manja ghawo,

⁷ kuti ŵawezge thayu mitundu, ndi kulanga makhamu gha ŵanthu;

⁸ kumanga ŵakaronga ŵawo ndi maunyolo, ŵarongozgi ŵawo ndi maunyolo gha visulo;

⁹ kuŵika paku iwo cheruzgu chakulembeka! Uwu mbupundi wa ŵanthu ŵawo ŵamagomezgeka. Rumbani Ambuya!