Sumu 143 - Tonga Bible 1986

Kurombe utaski ndi uchirongozgi

Sumu yaku Davidi

¹ Ambuya, vwani kuromba kwangu, tegherezgani ku kuŵeyere kwangu! Mu ukongorekwa ndi urunji winu mundamuke!

² Rekani kusere mu cheruzgu ndi mteŵeti winu; chifukwa pa maso pinu palivi nanga njumoza yo ngwakurunjika.

³ Murwani wandizingizga, waphwatiya pasi umoyo wangu; wandiŵika mu mdima, ulaka ndiwo ŵakufwa kale.

⁴ Viyo mzimu wangu wavuka mukati mwangu; mtima wangu watenthemeskeka.

⁵ Ndikumbuka mazuŵa gha mwaka; ndirunguruka ndi vyose vyo mukuchita, nditaskavya nchitu za manja ghinu.

⁶ Manja ghangu ndisoske kwinu; mzimu wangu uparanthukiya imwe nge ncharu chiyumu.

⁷ Chondi ndamukeni, Ambuya! Chigomezgu chose ndataya! Mungajibisanga cha kwaku ine, vinu ndingaŵa mukati mwakuwo ŵasikiya ku zenje.

⁸ Ndigomekezga mwaku imwe; ku mlenji ndikumbuskeni vya chifundu chinu. Ndirongoni nthowa yo ndendengemo, marombu ghangu ghakwere ko kwinu.

⁹ Ndituza kwaku imwe kuti ndibisame, Ambuya; ndikwamphuweni ku wakupindikana nane.

¹⁰ Ndimwe Chiuta wangu; ndisambizgeni kuchitakhumbo linu. Mzimu winu undichitiye umampha, ndirongozgeni mu nthowa yakunyoroka.

¹¹ Nditaskeni, Ambuya, chifukwa cha zina linu; mu umampha winu, mundipozomoske ku masuzgu ghangu!

¹² Mu chanju chinu chakufikapo, kosoni ŵarwani ŵangu, muŵaparghang'e wose ŵakundikandirizga, chifukwa ndine mteŵeti winu.