Sumu 14 - Tonga Bible 1986

Phuzu ndi uheni vya ŵanthu

Kuwakumba mura. Sumu yaku Davidi

¹ Wakupusa watiti mu mtima wake, “Kulivi Chiuta.” Makuvunda, ŵachita vya ukazuzi, kulivi wakuchita umampha.

² Ambuya kuchanya alereska pa ŵana ŵa ŵanthu, kuwona vinu ŵangaŵapo ŵakuchita kwazeru, ŵakupenja Chiuta.

³ Wose ŵapatuka ŵavundiya wose pamoza; kulivi wakuchita umampha, kulivi nanga njumoza.

⁴ Kumbi wareka kuziŵa, wose ŵakuchita utimbanizi wo ŵaturgha ŵanthu ŵangu ulaka nge ndimo ŵarghiya chiŵande, ndipo kuti ŵadana ku Ambuya cha?

⁵ Kwenikuwa ŵakaŵanga mu mantha ghakuru, pakuti Ambuya ŵe pamoza ndi mgonezi wa ŵakurunjika.

⁶ Iwe utiti urengeske fundu ya wakusauka, kweni Ambuya nchakudingang'amo chake.

⁷ Okwe! Mphanyi chipozomosko chaku Yisraele chatuliya ku Zioni! Ambuya pakuwezga ŵanthu ŵawo ŵamikoli, Yakobe wakakondwanga, Yisraele wangarenge.