Sumu 138 - Tonga Bible 1986

Kuwonge ulemu wa Ambuya

Sumu yaku Davidi

¹ Ndiwonga imwe, Ambuya, ndi mtima wangu wose; ndikoŵere marumbu kwaku imwe pauronga pa ŵachiuta.

² Ndikotamiya pasi kurazga ku kasopi winu wakupaturika ndi kurumba zina linu, chifukwa cha chifundu chinu ndi ukongorekwa winu, pakuti mwarongo kuti imwe ndi malangulu ghinu mwe apachanya ukongwa.

³ Mungundamuka po ndingudana kwaku imwe; ndi nthazi yinu mungundikambiska.

⁴ Ambuya, ŵakaronga wose ŵa charu chapasi ŵarumbenge imwe, chifukwa ŵakuvwa vya mapanganu ghinu.

⁵ Ŵakambiyanga paku vyo Ambuya atata, ndi pa unkhankhu wawo ukuru.

⁶ Inya nanga Ambuya ŵe kuchanya kutali, kweni aphwere ŵakusuzgika, ndipo kwaku iwo kuti ŵakabisamanga cha ŵakujikuzga.

⁷ Nanga ndipenipo ndazingirizgika ndi masuzgu, mutindisunga pakudekha; mususka, ŵarwani ŵangu ŵakari, ndikunditaska ndi nthazi yinu.

⁸ Mukafiskanga che chose cho mukupangana nane, Ambuya, nchamuyaya chifundu chinu. Fiskani nchitu yo mwayamba.