Sumu 137 - Tonga Bible 1986

Vitima vya ŵamikoli ku Babiloni

¹ Ku misinji yaku Babiloni, tinguja pasi ndipo tinguliya, tichikumbuka Zioni.

² Mu miduzi ya miti kuwa tingupayika ŵabangwi ŵidu.

³ Wo ŵangutiko mikoli ŵangutifumba za sumu; ŵangutinene kuti tiŵasangaruske; “Timbiyenipo sumu yaku Zioni!”

⁴ Timbengi uli sumu ya Ambuya mu charu cha chilendo?

⁵ Asani ndiruwa iwe, Yerusalemu, janjalangu lakurghiya liphaphe!

⁶ Lilime langu likaniriye kunena mu mlomo wangu, asani ndireka kukumbuka iwe, asani ndireka kumika Yerusalemu kuŵa pachanya mu chimwemwe changu!

⁷ Kumbukani, Ambuya, cho ŵanguchita ŵaEdomu, zuŵa lo wangutoreke Yerusalemu. Kumbukani mo ŵakambiyanga kwakurutiliya, kuti, “Pasuwani, pasuwani! Mpaka pasi pa viŵanja vyake!”

⁸ Babiloni, ukupasukanga! Wakukondwa ndi munthu yo wakuwerezgiyengepo, paku cho iwe wachitiya ifwe.

⁹ Wakukondwa ndi munthu yo watonge ŵana ŵako, ndikuŵatesuwa pa jarawi!