Sumu 136 - Tonga Bible 1986

Kuwonge wanangwa waku Chiuta kwaku Yisraele

¹ Wongani Ambuya, chifukwa mbamampha, chifukwa nchamuyaya chifundu chawo.

² Wongani Chiuta wa ŵachiuta, chifukwa nchamuyaya chifundu chake.

³ Wongani Mbuya wa ambuya, chifukwa nchamuyaya chifundu chake.

⁴ Iyo yija wachita vyakuziziswa vikuru, chifukwa nchamuyaya chifundu chake;

⁵ kwaku iyo yo ndi zeru wangwata machanya, chifukwa nchamuyaya chifundu chake;

⁶ wakuzenga charu pa ndimba ya maji, chifukwa nchamuyaya chifundu chake;

⁷ wakwata lumwi ndi mwezi, chifukwa nchamuyaya chifundu chake;

⁸ lumwi kuwusa ndi msana, chifukwa nchamuyaya chifundu chake;

⁹ mwezi ndi nyenyezi kuwusa ndi usiku; chifukwa nchamuyaya chifundu chake.

¹⁰ Wangubaya ŵana ŵa umwali ŵa ŵaEgipiti, chifukwa nchamuyaya chifundu chake.

¹¹ Wangutuzga ŵaYisraele mu Egipiti, chifukwa nchamuyaya chifundu chake;

¹² ndi janja lake lanthazi ndi mkono wakutambaruka, chifukwa nchamuyaya chifundu chake;

¹³ wangugauwa Nyanja Yiyera, chifukwa nchamuyaya chifundu chake;

¹⁴ wangwambuska ŵanthu ŵake mukati mwake, chifukwa nchamuyaya chifundu chake;

¹⁵ wangubizga Farao ndi nkhondo yake, chifukwa nchambuyaya chifundu chake;

¹⁶ wangurongozga khamu lake mu bozwa, chifukwa nchamuyaya chifundu chake.

¹⁷ Wangukoso ŵakaronga ŵanthazi, chifukwa nchamuyaya chifundu chake;

¹⁸ wangubaya ŵakaronga ŵakuvwika; chifukwa nchamuyaya chifundu chake;

¹⁹ Sihone, karonga wa Amori; chifukwa nchamuyaya chifundu chake;

²⁰ ndi Ogo, karonga wa Bashani; chifukwa nchamuyaya chifundu chake;

²¹ wangupereka charu chawo ku ŵanthu ŵake; chifukwa nchamuyaya chifundu chake;

²² wangupaska kwaku Yisraele mteŵeti wake, chifukwa nchamuyaya chifundu chake.

²³ Kuti wanguriruwa cha po tinguthereskeka; chifukwa nchamuyaya chifundu chake;

²⁴ wanguti kwamphuwa ku ŵarwani ŵidu, chifukwa nchamuyaya chifundu chake;

²⁵ ngwakupaska kurgha ku ŵanthu ndi nyama, chifukwa mchamuyaya chifundu chake.

²⁶ Wongani Chiuta wakuchanya; chifukwa nchamuyaya chifundu chake.