Sumu 132 - Tonga Bible 1986

Kurombe chitumbiku cha Ambuya pa nyumba yakupaturika

Sumu ya makwerero

¹ Ambuya, mungaruwanga Davidi, ndi nchitu yose yo wakuchita.

² Kumbukani, Ambuya, cho wangupangana, rapu lo wangurapiya ku wanthazi zose waku Yakobe,

³ “Kuti ndikaserenga mu nyumba yangu cha nanga nkhura pa chita changu.

⁴ Kuti ndikapumuwanga nanga nkhugona tulo cha,

⁵ mpaka penipo ndaŵasaniriya malo Ambuya, malo ghakujamo wanthazi zose waku Yakobe.”

⁶ Ehe, tikulivwa ku Efrata, tikulisaniya mu minda yaku Jara,

⁷ “Tiyeni tirutenge kumalo ghake ghakujamo; tikasope pa chitambaliro cha marundi ghake.”

⁸ Ambuya, sokani zani ku malo gha chipumulu chinu, imwe ndi bokosi la phanganu linu.

⁹ Ŵazukuru ŵinu ŵataule kuti mutaska ŵanthu ŵinu, ŵatuŵa ŵinu ŵakabure ndi kukondwa!

¹⁰ Chifukwa chamteŵeti winu Davidi; rekani kuwezgako chisku cha wakusankhika winu.

¹¹ Munguchita phanganu lakukho kwaku Davidi, ndipo kuti mukalituzgangapo cha: “Yumoza wa ŵana ŵako ndimuŵikenge pa chitengo chako.

¹² Asani ŵana ŵako ŵasungenge phanganu langu, ndi malangulu gho ndiŵasambizgenge, ŵana ŵawo, nawo, ŵakajanga pa chitengo chako muyaya.”

¹³ Ambuya asankha Zioni; akhumba kumanga uja wawo penipa;

¹⁴ “Apa ndipo ndikajanga muyaya; apa ndipo ndikajanga chifukwa ndakhumbapo.

¹⁵ Ndikamusambasiskanga mwaku vyose vyo wakavuka; ndigutiskenge usauchi wake ndi vyakurgha.

¹⁶ Ŵazukuru ŵake ndikaŵavwarikanga utaski, ndipo ŵanthu ŵake ŵakambanga ndi kukambura kwa chimwemwe.

¹⁷ Penipo nkhapaskanga nthazi ku mphapu yaku, ndamulongosole nyali wakupakika wangu.

¹⁸ Ŵarwani ŵake ndikaŵavwarikanga soni, kweni paku iyo mweneko chifuku chake chikaperekanga kuŵala.”