Sumu 130 - Tonga Bible 1986

Kulereze chanju chakureke cha Ambuya

Sumu ya makwerero

¹ Mu suzgu yangu ndidana kwaku imwe, Ambuya!

² Ambuya, vwani khuta yangu, tegherezgani makutu ku mdanu wakuŵeyere kwangu!

³ Asani imwe mwasunganga mauheni ghidu, mphanyi ndiyani yo watinge wamenge Ambuya?

⁴ Kweni mutitigowoke, alinga kuti timopeni imwe.

⁵ Ndilindizga Ambuya, mzimu wangu ulindizga, mu mazu ghawo ndigomekezga.

⁶ Mzimu wangu ulindizga ku Ambuya, ndi mwamphu wose kwakuruska mo ŵalonda ŵalindiya matandakucha, kwakuruska mo ŵalonda ŵalindiya matandakucha.

⁷ A! Yisraele, gomekezga mu Ambuya! Chifukwa mwaku iwo mwe chifundu cha muyaya, mu Ambuya mwe uwombozi wakuzara.

⁸ Ndipo akawombonga Yisraele ku maubendezi ghake ghose.