Sumu 129 - Tonga Bible 1986

Kurombe kugodeka kwa ŵamawongo ŵa Zioni

Sumu ya makwerero

¹ Yisraele sono wakambe, “Wandisuzga kutuliya ku uhurwa wangu.

² Kutuliya ku uhurwa wangu, wandisuzga, kweni kuti wandipunda cha.

³ Ŵalimi ŵangulima pa masana wangu; ŵanguchita ngarandi zitali.”

⁴ Kweni Ambuya, mbarunji; adumuwa vingwe vya ŵaheni.

⁵ Wose ŵakutinkha Zioni, ŵathereskeka ndi ŵawezgeke kuvuli!

⁶ Ŵaŵe nge mbuteka wo wame pachanya pazinyumba, weniwo umira wenga undakuliske,

⁷ wo kuti uzaza janja la ŵakuwusenga cha pamwenga wakumanga nchinda chipakatu chake.

⁸ Palivi nanga njumoza wakujumphapo yo wakambenge kuti, “Ambuya, akutumbikeni! Tikutumbikani mu zina la Ambuya!”