Sumu 126 - Tonga Bible 1986

Kuwonge chiwe ku umkoli

Sumu ya makwerero

¹ Achitiwezga Ambuya, pakutiwezge ku Zioni, ghanguŵa nge ndi maloto!

² Mlomo widu unguzazika ndi kuseka! Ndi lilime lidu kukambura kwa chimwemwe! Sono mitundu yatinge, “Ambuya aŵachitiya vinthu vikuru!”

³ Nadi, Ambuya atichitiya vikuru; te ŵakukondwa.

⁴ Tiwezgiyeni umampha widu, Ambuya, nge ndi mu vipholi vya maji vyaku malaŵi.

⁵ Wo ŵamijanga mu masozi, ŵavuna ndi kukambura kwa chimwemwe!

⁶ Mweniyo waruta ndi kuliya, wakupinga mbeu ya kwachimija, wakawerenga ku muzi ndi kukambura kwa chimwemwe, wakupinga nchinda zake.