Sumu 122 - Tonga Bible 1986

Kurombe chimangu chaku Yerusalemu

Sumu ya makwerero; yaku Davidi

¹ Ndingukondwa ŵachinena nane, “Tiyeni tirutenge ku nyumba ya Ambuya!”

² Ndipo sono te pano, tama mukati mu malikomo ghako Yerusalemu!

³ Yerusalemu wakuzengeka nge ndi msumba, wakutowa ndi wa kugumanizgika pamoza.

⁴ Kwenikuwa ndiku mafuku gharuta, mafuku gha Ambuya, kupereka viwongo ku Ambuya, nge ndimo anguŵalanguliya.

⁵ Kwenikuwa ndiku kukujarikika vitengo vya cheruzgu, vitengo vya nyumba yaku Davidi.

⁶ Rombiyani chimangu ku Yerusalemu. Ŵasakate wose ŵakwanja iwe.

⁷ Muŵe chimangu mukati mu malinga ghako, ndi kufwasa mu nyumba zako za ufumu.

⁸ Pa chifukwa cha ŵabali ŵangu ndi ŵapamoza nane, ndititi kwaku Yerusalemu, “Chimangu chiŵe mukati mwako!”

⁹ Chifukwa cha nyumba ya Ambuya, Chiuta widu, ndipenjenge umampha wako.