Sumu 120 - Tonga Bible 1986Kurombe kutaskika ku wakupusika Sumu ya makwerero 1 Po ndenga mu suzgu ndingudana ku Ambuya, kuti andimuke; 2 nditaskeni, Ambuya, ku wakupusika ndiwakurandizga! 3 Kumbi kukapaskikanganji kwaku imwe? Kumbi kukasazgikiyangako kanthu uli kwaku imwe, mwakuŵa ndi lilime lakupusika? 4 Ndi mivwi yakuthwa ya wankhondo, ndi maka gha moto gha muti wa muŵanga! 5 Kuja mukati mwinu nkhuheni nge nkhuja mu Mesheke, pamwenga mukati mu mahema ghaku Kedara! 6 Ndaja nyengo yitali ndi ŵanthu wo ŵatinkha chimangu! 7 Ine nde munthu wa chimangu, po ndikamba ndi chimangu, iwo mbakunkhumba kurwa. |
Bible Society of Malawi
Bible Society of Malawi