Sumu 12 - Tonga Bible 1986

Chiuta ndi mtaski kumikana ndi ŵakupusika

Ku wakumba mura: pa virumbu vya malisinga. Sumu yaku Davidi

¹ Ambuya, wovyani, chifukwa sono kulivi nanga njumoza yo watimuwopani imwe; pakuti ŵakugomekezga ŵaparghang'ika mukati mu ŵana ŵa ŵanthu.

² Munthu yose wakamba utesi ku mwanasi wake; ndi milomo yauteremusi, ndi mtima wa paŵi ŵakamba.

³ Ambuya achekete milomo yose yauteremusi, lilime lo lirongoro vikuru vyakujikuzga,

⁴ ŵeniwo ŵatiti, “Ndi lilime lidu tiruskenge, milomo yidu njidu, ndiyani mbuyafwe?”

⁵ “Chifukwa ŵakavu ŵaskoŵeka, ŵasauchi ŵatamantha, sono ndisokenge,” atiti Ambuya; “Ndimuŵikenge mu kufwasa mwenimo iyo wanweka.”

⁶ Mapanganu ghaku Chiuta ndi mapanganu ghakutowa, siliva wakwengeka mu ng'anjo pa charu, kwengeka kankhonde ndi kaŵi.

⁷ Imwe, Ambuya, tivikiriyeni, tisungirizgeni mpaka ku muyaya kwamba ku mgonezi uno.

⁸ Ŵaheni ŵatenda uku ndi uku, po ukazuzi ukuwakuwa mukati mu ŵana ŵa ŵanthu.