Sumu 113 - Tonga Bible 1986

Ambuya arumbika pakuti akwezga ŵakuyuyurika

¹ Rumbani Ambuya! Rumbani, mwa ŵateŵeti ŵa Ambuya, rumbani zina la Ambuya!

² Zina lawo lirumbike, sono mpaka ku muyaya!

³ Kutuwa ku vuma mpaka ku zambwe, zina la Ambuya lirumbike!

⁴ Ambuya ausa pa mitundu yose, unkhankhu wawo we pachanya pa machanya.

⁵ Kulivi nanga njumoza wakuyana ndi Ambuya Chiuta widu; aja pa chitengo chawo kuchanya.

⁶ Kweni akotamiya pasi kulereska machanya ndi charu chapasi.

⁷ Asoska ŵakavu kutuwa ku fuvu; akwezga ŵasauchi kutuwa ku suzgu yawo.

⁸ Mwakuti aŵajarike pamoza ndi ŵanangwa, pamoza ndi mafumu gha ŵanthu.

⁹ Atumbika munthukazi chumba mu nyumba yake; atimukondweska pa kumpaska ŵana. Rumbani Ambuya!