Sumu 112 - Tonga Bible 1986

Usakati waku mweniyo watopa Ambuya

¹ Rumbani Ambuya! Wakukondwa ndi munthu yo watopa Ambuya, yo wakondwere mu kuvwiya marangu ghawo.

² Mphapu yake yikaŵanga ya nthazi mu charu; mgonezi wa munthu wakurunjika ukatumbikikikanga.

³ Mbumba yake yikaŵanga yisambasi ndi yakusakata, ndipo wakaŵanga ndi vya uzali mazuŵa ghose.

⁴ Ku ŵanthu ŵamampha ukweru uŵala mu mdima, kwakuŵeniwo mbawezi, ŵalisungu, ndi wakurunjika.

⁵ Wakukondwa ndi munthu yo ndimwanangwa mu mateu ghake, yo watendeska nchitu zake mu uneneska.

⁶ Munthu wamampha kuti wakatondekanga cha, ndipo kuti wakaruwikanga cha muyaya.

⁷ Kuti wachita mantha ndi mbiri yiheni cha; mitima wake ngwakukhozgeka, ndipo wagomekezga mwaku Chiuta.

⁸ Kuti wasuzgika ndi maghanaghano pamwenga kuchita wofi cha, wafikapo mtima kuti wakawonanga ŵarwani ŵake ŵachithereskeka.

⁹ Wapaska kwa wanangwa ku ŵasauchi, ndipo wezi wake ngwa muyaya; wakaŵanga ndi mazaza ndi kutumbikika.

¹⁰ Ŵaheni ŵatichiwona ichi ndipo ŵatimbanizgika; ŵakekechuwa minyu mu ukari ndi ŵawala; chingomezgu chawo charutiya limu muyaya.