Sumu 110 - Tonga Bible 1986Ambuya apaska ufumu ku karonga Sumu yaku Davidi 1 Ambuya angunene ambuyangu, “Uje ku janja langu la kurghiya, mpaka po ndaŵika ŵamawongo ŵako kusi ku marwayo ghako.” 2 Kutuliya ku Zioni Ambuya atandawuwenge mazaza gha ufumu wako. Usa pachanya pa ŵarwani ŵako. 3 Wanthu ŵako ŵakajiperekanga ndi mtima mu zuŵa lo urwani ndi ŵakupindikana ŵako. Nge ndi dungwi la kumatandakucha, ŵanyamata ŵako ŵakakuziyanga pa mitunthu yakupaturika. 4 Ambuya akuchita phanganu, ndipo kuti akaliwezganga so cha: “Ukaŵanga mzukuru ku muyaya, mu ndondomeka ya uzukuru waku Melkizedeke.” 5 Ambuya ŵe kuchiri kumarghe ghako; akathereskanga ŵakaronga pa zuŵa la ukari wawo. 6 Akaperekanga cheruzgu pa mitundu ndi kuzaza malo gha nkhondo ndi viŵanda; athereskenge ŵakaronga pa charu chose chapasi. 7 Karonga wakamwanga maji mu msinji wapa nthowa, ndipo ndi nthazi wakamanga mwa upundi. |
Bible Society of Malawi
Bible Society of Malawi