Nehemiya 7 - Tonga Bible 1986

Ŵalonda ŵalonda Yerusalemu

¹ Sono linguti lazengeka linga ndipo ndinguŵikamo visasa, ndiŵakusunga malikomo, ŵakumba, ndi ŵaLevi ŵangumikika,

² ndingupaska mwana munyangu Hanani mlimu wakuphwere Yerusalemu ndi Hananiya mumirizi wa nyumba ya ŵankhondo, pakuti iyo wenga munthu wamagomekezgeka ndi wakopa Chiuta kwakuruska ŵanandi.

³ Ndipo ndinguti kwaku wo, “Malikomo gha Yerusalemu ghangajurikanga cha mpaka penipo lumwi lafunda; ndipo penipo ŵeche pa ulonda ŵajarenge ndi kupilingizga visasa. Ŵasankhe ŵalonda mu ŵakuja mu Yerusalemu, we yose ku malo ghake ndipo we yose wathyanenge ndi nuumba ya mweneko.”

⁴ Msumba wenga usani ndi ukuru, kweni ŵakuja mwenimo ŵenga ŵamana ndipo nyumba zengavi kuzengeka.

Unandi waku wo ŵanguwe ku umkoli

⁵ Sono Chiuta wanguŵika mu zeru yangu kuti ndiwungang'e pamoza ŵaraŵara ndi zinduna ndi ŵanthu kuti ŵalembeke mwa mphapu zawo. Ndipo ndingusaniya buku la zimphapu zaku wo ŵanguza pakudanga, ndi ndingusaniya vyenivyo vingulembekamo:

⁶ Yaŵa ndiwo ŵenga ŵanthu ŵachigaŵa ŵeniwo ŵangutuwa mu kukoleka, ŵaku wo ŵenga mu umkoli, ŵeniwo Nebukadanezara karonga wa Babiloni wanguyole kuvyaru vinyake, ŵanguwere ku Yerusalemu ndi ku Yuda, we yose ku muzi wake.

⁷ Ŵanguza ndi Zerubabele, Yeshua, Nehemiya, Azariya, Ramiyo, Nahamani, Mordekayi, Bilishai, Mispereti, Bigivayi, Nehumu, Bana. Unandi wa ŵanthurumi ŵa ŵaYisraele:

⁸ ŵana ŵaku Paroshe, vikwi viŵi, machumi pe chumi ndi machumi ghankhonde ndi ghaŵi pachanya ŵaŵi (2,172).

⁹ Ŵana ŵaku Shefatiya, machumi pe chumi ghatatu ndi machumi ghankhonde ndighaŵi pachanya ŵaŵi (372).

¹⁰ Ŵana ŵaku Ara, machumi pe chumi ghankhonde ndi limoza, ndi machumi ghankhonde pachanya ŵaŵi (652).

¹¹ ŴaPahalamoabu ndiwo ŵana ŵaku Yeshua ndi Yoabu, vikwi viŵi ndi machumi pe chumi ghankhonde ndi ghatatu, pachanya chumi ndi ŵankhonde ndi ŵatatu (2,818).

¹² Ŵana ŵaku Elama, chikwi chimoza, machumi pe chumi ghaŵi pachanya machumi ghankhonde ndi ŵanayi (1,254).

¹³ Ŵana ŵaku Zatu, machumi pe chumi ghankhonde ndi ghatatu pachanya machumi ghanayi ndi ŵankhonde (845).

¹⁴ Ŵana ŵaku Zakayi, machumi pe chumi ghankhonde ndi ghaŵi pachanya machumi ghankhonde ndi limoza (760).

¹⁵ Ŵana ŵaku Binuyi, machumi pe chumi ghankhonde ndi limoza pachanya machumi ghanayi ndi ŵankhonde ndi ŵatatu (648).

¹⁶ Ŵana ŵaku Bebayi, machumi pe chumi ghankhonde ndi limoza pachanya machumi ghaŵi ndi ŵankhonde ndi ŵatatu (628).

¹⁷ Ŵana ŵaku Azagada, vikwi viŵi, machumi pe chumi ghatatu pachanya machumi ghaŵi ndi ŵaŵi (2,322).

¹⁸ Ŵana ŵaku Adonikana, machumi pe chumi ghankhonde ndi limoza pachanya machumi ghankhonde ndi limoza ndi ŵankhonde ndi ŵaŵi (667).

¹⁹ Ŵana ŵaku Bigivayi, vikwi viŵi, pachanya ma chumi ghankhonde ndi limoza ndi ŵankhonde ndi ŵaŵi (2,067).

²⁰ Ŵana ŵaku Adini, machumi pe chumi ghankhonde ndi limoza ndi machumi ghankhonde pachanya ŵankhonde (655).

²¹ Ŵana ŵaku Atere, yo ndi Hezekiya, machumi ghankhonde ndi ghanayi pachanya ŵankhonde ndi ŵatatu (98).

²² Ŵana ŵaku Hasumu, machumi pe chumi ghatatu ndi machumi ghaŵi pachanya ŵankhonde ndi ŵatatu (328).

²³ Ŵana ŵaku Bezayi, machumi pe chumi ghatatu ndi machumi ghaŵi pachanya ŵanayi (324).

²⁴ Ŵana ŵaku Haripi, machumi pe chumi ndi chumi limoza pachanya ŵaŵi (112).

²⁵ Ŵana ŵaku Gibeoni, machumi ghankhonde ndi ghanayi pa chanya ŵankhonde (95).

²⁶ Ŵanthu ŵamu Betelehemu ndi Netopa, machumi pe chumi ndi machumi ghankhonde ndi ghatatu pachanya ŵankhonde ndi ŵatatu (188).

²⁷ Ŵanthu ŵamu Anatoti, machumi pe chumi ndi machumi ghaŵi pachanya ŵankhonde ndi ŵatatu (128).

²⁸ Ŵanthu ŵamu Betazamabete, machumi ghanayi pachanya ŵaŵi (42).

²⁹ Ŵanthu ŵamu Kiriatajerimi, Chipera ndi Beroti, machumi pe chumi ghankhonde ndi ghaŵi ndi machumi ghanayi pachanya ŵatatu (743).

³⁰ Ŵanthu ŵamu Rama ndi Geba, machumi pe chumi ghankhonde ndi limoza ndi machumi ghaŵi pachanya yumoza (621).

³¹ Ŵanthu ŵamu Mikimashi, machumi pe chumi ndi machumi ghaŵi pachanya ŵaŵi (122).

³² Ŵanthu ŵamu Betele ndi Ai, machumi pe chumi ndi machumi ghaŵi pachanya ŵatatu (123).

³³ Ŵanthu ŵamu Nebo munyake, machumi ghankhonde pachanya ŵaŵi (52).

³⁴ Ŵana ŵaku Elama, munyake chikwi chimoza, machumi pe chumi ghaŵi ndi machumi ghankhonde pachanya ŵanayi (1,254).

³⁵ Ŵana ŵaku Harimi, machumi pe chumi ghatatu ndi machumi ghaŵi (320).

³⁶ Ŵana ŵaku Yeriko, machumi pe chumi ghatatu ndi machumi ghanayi pachanya ŵankhonde (345).

³⁷ Ŵana ŵaku Lodi, Hadidi, ndi Ono, machumi pe chumi ghankhonde ndi ghaŵi ndi machumi ghaŵi pachanya yumoza (721).

³⁸ Ŵana ŵaku Senaya, vikwi vitatu, machumi pe chumi ghankhonde ndi ghanayi pachanya machumi ghatatu (3,930).

³⁹ Ŵazukuru: ŵana ŵaku Yedaya, ndiwo ŵa nyumba yaku Yeshua, machumi pe chumi ghankhonde ndi ghanayi ndi machumi ghankhonde ndi ghaŵi pachanya ŵatatu (973).

⁴⁰ Ŵana ŵaku Imere, chikwi chimoza, pachanya machumi ghankhonde ndi ŵaŵi (1,052).

⁴¹ Ŵana ŵaku Pashuru, chikwi chimoza, machumi pe chumi ghaŵi ndi machumi ghanayi pachanya ŵankhonde ndi ŵaŵi (1,247).

⁴² Ŵana ŵaku Harimi, chikwi chimoza, ndi chumi limoza pachanya ŵankhonde ndi ŵaŵi (1,017).

⁴³ ŴaLevi: ŵana ŵaku Yeshua, ŵeniwo mbaku Kadmeile ŵa ŵana ŵaku Hodeva, machumi ghankhonde ndi ghaŵi pachanya ŵanayi (74).

⁴⁴ Ŵakumba: ŵana ŵaku Asafi, machumi pe chumi ndi machumi ghanayi pachanya ŵankhonde ndi ŵatatu (148).

⁴⁵ Ŵakusunga malikomo: ŵana ŵaku Shalama, ŵana ŵaku Atere, ŵana ŵaku Talmoni, ŵana ŵaku Akubu, ŵana ŵaku Hatita, ŵana ŵaku Shobai, machumi pe chumi ndi machumi ghatatu pachanya ŵankhonde ndi ŵatatu (138).

⁴⁶ Ŵateŵeti ŵa kasopi: ŵaku Ziha ŵaku Hasupa, ŵana ŵanthurumi ŵaku Taboati,

⁴⁷ ŵana ŵaku Kerosi, ŵana ŵaku Sia, ŵana ŵaku Padone,

⁴⁸ ŵana ŵaku Lebana, ŵana ŵaku Hagaba, ŵana ŵaku Shelmai,

⁴⁹ ŵana ŵaku Hanani, ŵana ŵaku Gidele, ŵana ŵaku Gahara,

⁵⁰ ŵana ŵaku Reaya, ŵana ŵaku Rezini, ŵana ŵaku Nekoda,

⁵¹ ŵana ŵaku Gazama, ŵana ŵaku Uza, ŵana ŵaku Paseya,

⁵² ŵana ŵaku Besai, ŵana ŵaku Meunimi, ŵana ŵaku Nepushesimi,

⁵³ ŵana ŵaku Bakabuku, ŵana ŵaku Hakupa, ŵana ŵaku Haruru,

⁵⁴ ŵana ŵaku Bazliti, ŵana ŵaku Mehida, ŵana ŵaku Harasha,

⁵⁵ ŵana ŵaku Barakoso, ŵana ŵaku Sisera, ŵana ŵaku Tema,

⁵⁶ ŵana ŵaku Neziya, ŵana ŵaku Hatipa.

⁵⁷ Ŵana ŵa ŵateŵeti ŵaku Solomoni: ŵana ŵaku Sotai, ŵana ŵaku Sofereti, ŵana ŵaku Perida,

⁵⁸ ŵana ŵaku Jala, ŵana ŵaku Darkoni, ŵana ŵaku Gidele,

⁵⁹ ŵana ŵaku Shefatiya, ŵana ŵaku Hatele, ŵana ŵaku Pochereti-Hazabaimi, ŵana ŵaku Amoni.

⁶⁰ Ŵateŵeti wose ŵa kasopi ndi ŵana ŵa ŵateŵeti ŵaku Solomoni wenga machumi pe chumi ghatatu ndi machumi ghankhonde ndi ghanayi pachanya ŵaŵi (392).

⁶¹ Yaŵa ndiwo ŵangutuwa ku Telamela, Yeleharasa, Cherubi, Adino ndi Iminere, kweni kuti ŵanguziŵa kukonkhoska cha nyumba za auskeu chingana ndi mkoka wawo, manyi ŵenga ŵina Yisraele:

⁶² ŵana ŵaku Delaya, ŵana ŵaku Tobiya, ŵana ŵaku Nekoda, machumi pe chumi ghankhonde ndi limoza ndi machumi ghanayi pachanya ŵaŵi (642).

⁶³ Ndipo so ŵa ŵazukuru: ŵana ŵaku Hobaya, ŵana ŵaku Hakozi, ŵana ŵaku Barzilai mweniyo wanguto muwoli wa muŵana ŵanthukazi ŵaku Barzilai mwina Gileada ndi wangudanika ndi zina lawo.

⁶⁴ Yaŵa ŵangupenja kulembeka kwawo mu zimphapu zo, kweni ŵengavi kusanirikamo, viyo ŵangutuzgikako ku ukukuru nge mbambura kuphotoka;

⁶⁵ mweruzgi mura wanguŵanene kuti ŵareke kusanganapo nawo chakurgha chakupaturika cha pachanya, mpaka penipo mzukuru wakuŵa ndi Urimi ndi Tumimi wangumikika.

⁶⁶ Wumba wose pamoza wenga vikwi machumi ghanayi, ndi machumi pe chumi ghatatu pachanya machumi ghankhonde ndi limoza (40,360),

⁶⁷ pade pa ŵateŵeti ŵawo ŵanthurumi ndi ŵateŵeti ŵawo ŵanthukazi, ŵakuŵeniwo ŵenga vikwi vinkhonde ndi viŵi, machumi pe chumi ghatatu ndi machumi ghatatu pachanya ŵankhonde ndi ŵaŵi (7,337) ndipo ŵenga ndi ŵakumba machumi pe chumi ghaŵi ndi machumi ghanayi pachanya ŵankhonde (245), ŵanthurumi ndi ŵanthukazi.

⁶⁸ Ŵakavalo ŵawo ŵenga machumi pe chumi ghankhonde ndi ghaŵi ndi machumi ghatatu pachanya ŵankhonde ndi lumoza (736), myulu zawo machumi pe chumi ghaŵi ndi machumi ghankhonde pachanya zinkhonde (255).

⁶⁹ Ŵagamila ŵawo machumi pe chumi ghanayi ndi machumi ghatatu pachanya ŵankhonde (435), ndi mbunda zawo vikwi vinkhonde ndi chimoza, ndi machumi pe chumi ghankhonde ndi ghaŵi, pachanya machumi ghaŵi (6,720).

⁷⁰ Sono ŵanyake wo ndi mitu ya nyumba za auskeu ŵangupaskako ku nchitu. Mweruzgi mura wangupaska ku mbiku chikwi chimoza madariki gha golide (1,000), mabeseni machumi ghankhonde (50), maraya gha ŵazukuru machumi pe chumi ghankhonde ndi machumi ghatatu (530).

⁷¹ Ndipo ŵanyake wo ndi mitu ya nyumba za auskeu ŵangupaska ku mbiku ya nchitu yo vikwi machumi ghaŵi (20,) gha madariki gha golide, ndi vikwi viŵi ndi machumi pe chumi ghaŵi (2,200) gha mweso wa siliva.

⁷² Ndipo vyo ŵangupaska ŵanthu wose vyenga madariki gha golide vikwi machumi ghaŵi (20,000) ndi vikwi viŵi (2,000) vya mweso wa siliva, ndi maraya gha ŵazukuru machumi ghankhonde ndi limoza pachanya ghankhonde ndi ghaŵi (67).

⁷³ Viyo ŵazukuru, ŵaLevi, ŵakusunga malikomo, ŵakumba ndi ŵanthu ŵanyake, ŵateŵeti ŵakasopi, ndi ŵaYisraele wose ŵanjanga mu mizi yawo, ndipo penipo ungufika mwezi wa chinkhonde ndi chiŵi, ŵana ŵaku Yisraele ŵenga mu muzi wawo.