Mateyu 1 - Tonga Bible 1986

Mkoka wa kawidu kaku Yesu Kristu

¹ Buku la kawidu kaku Yesu Kristu, mwana waku Davidi, mwana waku Abrahamu.

² Abrahamu wangupapa Yisaki; ndipo Yisaki wangupapa Yakobe; Yakobe wangupapa Yuda ndi ŵana ŵanyake;

³ Yuda wangupapa Pereze ndi Zera mwaku Tamara; ndipo Pereze wangupapa Hezroni, Hezroni wangupapa Ramu;

⁴ ndipo Ramu wangupapa Aminadabu; Aminadabu wangupapa Nashone; Nashone wangupapa Salmone;

⁵ ndipo Salmone wangupapa Boazi mwaku Rahabe; Boazi wangupapa Obede mwaku Ruti; ndipo Obede wangupapa Jese;

⁶ ndipo Jese wangupapa Davidi karonga yo. Ndipo Davidi wangupapa Solomoni mwaku yo wenga muwoli waku Uriya;

⁷ ndipo Solomoni wangupapa Rehoboamu; Rehoboamu wangupapa Abija; Abija wangupapa Asa;

⁸ ndipo Asa wangupapa Yehosafati; Yehosafati wangupapa Yoramu; Yoramu wangupapa Uziya;

⁹ ndipo Uziya wangupapa Yotamu; Yotamu wangupapa Ahazi; Ahazi wangupapa Hezekiya;

¹⁰ ndipo Hezekiya wangupapa Manase; Manase wangupapa Amosi; Amosi wangupapa Josiya;

¹¹ ndipo Josiya wangupapa Yekoniya ndi ŵana ŵanyake pa nyengo yakuyoreke ku Babiloni.

¹² Ndipo pavuli pa kuyoreke ku Babiloni Yekoniya wangupapa Shealtiele; Shealtiele wangupapa Zerubabele;

¹³ ndipo Zerubabele wangupapa Abiude; Abiude wangupapa Eliakimu; Eliakimu wangupapa Azoro;

¹⁴ ndipo Azoro wangupapa Zadoki wangupapa Akimu; Akimu wangupapa Eliude;

¹⁵ ndipo Eliude wangupapa Eleazara; Eleazara wangupapa Matane; Matane wangupapa Yakobe;

¹⁶ ndipo Yakobe wangupapa Yosefe mrumi waku Mariya, mwaku mweniyo wangupapika Yesu, yo wazumbulika Kristu (lo ling'amuwa kuti wakupakika).

¹⁷ Viyo migonezi yose kutuwa kwaku Abrahamu mpaka Davidi ndi migonezi chumi ndi yinayi, ndipo kutuwa kwaku Davidi mpaka ku chiyoreke ku Babiloni ndi migonezi chumi ndi yinayi; ndipo kutuwa ku chiyoreke ku Babiloni ndi migonezi chumi ndi yinayi; ndipo kutuwa ku chiyoreke ku Babiloni mpaka Kristu ndi migonezi chumi ndi yinayi.

Kupapika kwaku Yesu Kristu

¹⁸ Kweni kawidu kaku Yesu Kristu kenga viyo. Nyina wake Mariya wati wajaririka ndi Yosefe, ŵandafikane iwo, wangusanirika ndi nthumbo kutuwa ku Mzimu Wakupaturika.

¹⁹ Ndipo Yosefe mrumi wake, pakuŵa mrunji wangukhumba cha kumlengeska, watinge wampate ŵaka kwachisisi.

²⁰ Kweni powenga weche kughanaghana ndi ichi, wonani, mungelo wa Ambuya wangumwoneke mu loto, wakuti, “Yosefe, mwana waku Davidi, ungopanga cha kumto Mariya muwoli wako; chifukwa cho chazuwuka mwake nchaku Mzimu Wakupaturika.

²¹ Ndipo wapapenge mwana munthurumi; ndiudanenge zina lake Yesu: chifukwa ndiyo wataskenge khamu lake ku vilakwa vyawo.”

²² Ndipo ichi chose chaŵapo, alinga kuti ghafiskike gho Ambuya akukamba mu mchimi yo, kuti,

²³ “Onani, mwali yo waŵenge ndi nthumbo, ndipo wapapenge mwana munthurumi, ndipo zina lake wadanikenge Immanuele”; lenilo pakung'anamulika ndi, Chiuta pamoza nafwe.

²⁴ Ndipo Yosefe, wati wayuka mu tulo, wanguchita uli ndimo wangumlanguliya mungelo wa Ambuya, wanguto muwoli wake,

²⁵ ndipo kuti wangumziŵa cha mpaka wangupapa mwana: ndipo wangudana zina lake Yesu.