Marko 10 - Tonga Bible 1986

Yesu wasambizga ndi za chipata cha nthengwa

¹ Ndipo wangutuwako kuwa wanguza mu mphaka zaku Yuda ndi sirgha liya Yordane: ndipo yinguwungana so kwaku iyo mzinda; ndipo, uli ndimo kanguŵiya karusu kake, waŵasambizganga.

² Ndipo ŵangumuziya ŵaFarisi, ŵamfumbanga, “Vinu nkhwamampha munthu kupata muwoli wake, uku kwenga kumwesa.”

³ Kweni iyo wakwamuka wanguŵafumba, “Mosese wangukula-nguliyani chine?”

⁴ Iwo ŵangunena, “Mosese wanguzomerezga kulemba kalata wa chifwatuwa, ndi kumupata.”

⁵ Yesu wanguŵanene, “Pa chifwa cha unononu wa mtima winu wangulembe imwe dangu lenilo.

⁶ Kweni chituliyi ku chiyambo cha ulengi, ‘Chiuta wanguŵalanga munthurumi ndi munthukazi!’

⁷ ‘Chifukwa chenichi munthurumi walekenge awiske ndi anyina, ndi wakwati-skanenge ndi muwoli wake;

⁸ ndipo wo ŵaŵi ŵaŵenge munthu yumoza.’ Viyo kuti mbaŵi so cha, kweni munthu yumoza.

⁹ Viyo chenicho Chiuta wamanga pamoza, munthu wareke kupatuwa.”

¹⁰ Ndipo mu nyumba ŵasambizi ŵangumfumba so paku chenichi.

¹¹ Ndipo ŵanguŵanene, “Yose yo wangapata muwoli wake, ndi kuto munyake, wareŵa paku iyo;

¹² ndipo asani iyo wapata mrumi wake, ndi watorana ndi munyake, nayo so wachita ureŵi.”

Yesu watumbika twana

¹³ Ndipo ŵangumtole twana, kuti watukwaske: kweni ŵasambizi wo ŵanguŵachenya.

¹⁴ Kweni Yesu wachiwona wangutundiya, ndipo wanguŵanene, “Tulekeni twana kuza kwaku ine: mungatukanizganga cha: chifukwa ufumu waku Chiuta ngwa twaviyo.

¹⁵ Ndikuneneskiyani, yose yo wangaronde ufumu waku Chiuta nge nkhana cha, kuti wangasere mwaku wo cha.”

¹⁶ Ndipo wangutupakata, ndi wangututumbika ndi kuŵika paku to manja ghake.

Jaha lisambasi

¹⁷ Ndipo wachituliya iyo ku nthowa, wanguchimbiriyako yumoza, ndipo wakumlambiya wangumfumba, “Msambizgi wamampha, nkhachitanga chine kuti ndihare umoyo wamuyaya.”

¹⁸ Kweni Yesu wangumnene, “Chifukwa chine utindizumbuwa wamampha? Palive wamampha kweni yumoza, ndiyo Chiuta.

¹⁹ Marangu utighaziŵa: ‘Ungabaya, ungareŵa, ungaba, ungasimikizga kwautesi, ungapusika, tumbika ausu ndi anyoko.’ ”

²⁰ Kweni iyo wangumnene, “Msambizgi, vyose ivi ndikusunga kutuwa ku umpupuka wangu.”

²¹ Ndipo Yesu, pakumlereska, wangumwanja, wangunena nayo, “Chinthu chimoza usoŵa; kanga, kasaske chose cho wenacho, paska ku ŵakavu, ndipo ukaŵanga nayo mbiku kuchanya: ndipo zanga, ndirondo!”

²² Kweni iyo wangubwanthuska chisku pa mazu yagha ndipo wanguruta wachisungu: chifukwa wenga nawo usambasi unandi.

²³ Ndipo Yesu wati walereska kwakuzunguliya, wanguŵanene ŵasambizi ŵake, “Nkhwaunononu mbwenu ku ŵasambasi kusere mu ufumu waku Chiuta.”

²⁴ Kweni ŵasambizi wo ŵazizwanga pa mazu ghake. Yesu wangwamuka, wanguŵanene so, “Mwaŵana, nkhwaunononu mbwenu ku ŵakugomekezga mu mausambasi kusere mu ufumu waku Chiuta!

²⁵ Nkhuyuyu kuti gamila waporote mu jiso la zingani kwakuruska msambasi kusere mu ufumu waku Chiuta.”

²⁶ Kweni iwo ŵangurwita ukongwa, ŵangumufumba, “Iku njani wazina kutaskika?”

²⁷ Yesu, pakuŵalereska, wanguti, “Kuchiri ku ŵanthu nkhwambura machitika, kweni kwaku Chiuta cha: chifukwa vyose vyamachitika kuchiri kwaku Chiuta.”

²⁸ Ndipo Petro wangwamba kumnene, “Onani, ifwe tasiya vyose, ndipo tarondo imwe.”

²⁹ Yesu wanguŵanene, “Ndikuneneskiyani, palive yumoza yo wasiya nyumba, pamwe ŵabali, pamwe ŵazichi, pamwe nyina, pamwe wiske, pamwe ŵana, pamwe minda, pa chifwa chaku ine ndi pa chifwa cha evangeli,

³⁰ yo warekenge kuronde vya machumi pe chumi sono munyengo yeniyi, zinyumba, ndi ŵabali, ŵazichi, ŵanyina, ŵana, ndi minda, pamoza ndi masuzgu, ndi kuti mu mgonezi wo utuza umoyo wamuyaya.

³¹ Kweni ŵanandi ŵakudanga ŵaŵenge ŵakumariya, ndi ŵakumariya ŵakudanga.”

Kachitatu yaka wakamba ndi za nyifwa yake

³² Ndipo ŵenga mu nthowa kuruta ku Yerusalemu; ndipo Yesu wangudanjiyapo: ndipo ŵazizwanga; ndipo ŵakurondo wopanga. Ndipo wakutole so chumi ndi ŵaŵi wangwamba kuŵanene vyo vyamuziyanga,

³³ wakuti, “Onani, tikwere ku Yerusalemu, ndipo Mwana wa munthu wamkomboleke ku ŵazukuru ŵara ndi ŵalembi; ndipo ŵamweruzgiyenge ku nyifwa ndi ŵamperekenge mu Mitundu:

³⁴ ndipo ŵakamuweranga, ŵakamfunyiyanga mata, ŵakamkwechuwanga, ndi kumubaya, ndipo pavuli pa mazuŵa ghatatu wakayukanga.”

Fumbu la anyina aku Yakobe ndi Yohane

³⁵ Ndipo ŵanguza kwaku iyo Yakobe ndi Yohane, ŵana ŵaku Zebediya, wakuti, “Msambizgi, tikhumba kuti chose cho tikuŵeyeriyeninge, mutichitiye.”

³⁶ Ndipo iyo wangunena nawo, “Mukhumba kuti ndikuchitiyeninji?”

³⁷ Ndipo iwo ŵangumnene, “Tipaskeni kuti tije, yumoza ku marghe kwinu, ndi yumoza ku maze, mu unkhankhu winu.”

³⁸ Yesu wanguti kwaku wo, “Kuti muziŵa cha cho mupempha. Kumbi mwe ŵanthazi kumwapo nkhombo yo ine ndingamwa? Pamwenga kubatizika ndi chibatizo cho ine ndibatizikiya?”

³⁹ Ndipo iwo ŵangumnene, “Te ŵanthazi.” Yesu wanguti kwaku wo, “Nkhombo yo nditumwa ine, mumwenge; ndipo ndi chibatizo chenicho ine ndibatizikiya, mubatizikenge.

⁴⁰ Kweni kuja ku marghe ghangu pamwenga ku maze kuti nkhwangu cha kupaska, kweni kwaku ŵeniwo kwaŵarongosoleke.”

⁴¹ Ndipo ŵanguti ŵavwa wo chumi, ŵangwamba kutundiriya paku Yakobe ndi Yohane.

⁴² Kweni Yesu wangwadana wangwanene, “Muziŵa kuti wo ŵapimika kuwusa mitundu, ŵatiyichitiya mazaza; ndipo ŵara ŵawo ŵatiyitufuliya.

⁴³ Kweni kuti kwe viyo mwaku imwe cha: yose yo wakhumba kuŵa mura mwaku imwe, waŵe mteŵeti winu,

⁴⁴ ndipo yose yo wakhumba kuŵa wachimoza mwaku imwe, waŵe muŵanda waku wose.

⁴⁵ Chifukwa Mwana wa munthu nayo kuti wanguza kuzachiteŵeteke cha, kweni kuzachiteŵete, ndi kupereka umoyo wake thumba lapa ŵanandi.”

Yesu wachizga wachiburumutiya, Bartimeyu

⁴⁶ Wanguza ku Yeriko: ndipo wachituwa ku Yeriko, ndi ŵasambizi ŵake pamoza ndi mzinda ukuru, mwana waku Timeyu, Bartimeyu, mpempha wachiburumutiya wajanga mumphepete mu nthowa.

⁴⁷ Ndipo wachivwa kuti ndi Yesu waku Nazarete, wangwamba kubongo ndi kuti, “Yesu mwamwana waku Davidi, ndifwiyeni lisungu.”

⁴⁸ Ndipo ŵanandi ŵangumchenya, kuti wachetame: kweni wangubongo ukongwaku, “Mwamwana waku Davidi, ndifwiyeni lisungu!”

⁴⁹ Ndipo wati wama Yesu, wanguti, “Mdaneni.” Ndipo ŵangumdana wachiburumutiya yo, wakumunene, “Chintha mtima: soka, watukudana.”

⁵⁰ Wangutaya munjirira wake, ndipo wakuwuluka wanguza kwaku Yesu.

⁵¹ Yesu wangumfumba wanguti, “Unkhumba kuti ndikuchitiyenji?” Ndipo wanguti wachiburumutiya “Msambizgi, kuti ndilereske.”

⁵² Ndipo Yesu wangumnene, “Rutanga; chivwanu chako chakutaska.” Ndipo sosonukweni wangulereska, ndipo wamrondonga mu nthowa.