Malaki 4 - Tonga Bible 1986

Zuŵa la Ambuya lituza

¹ “Chifukwa nadi zuŵa lituza, lakocha nge ndi ng'anjo, penipo ŵakujikuzga wose ndi wose ŵakuchita uheni ŵakaŵanga viswaswa. Zuŵa lo lituza likaŵawochanga, atiti Ambuya ŵa maŵanja, viyo kuti likaŵasiyiyanga nanga ndi musisi pamwenga mphanda cha.

² Kweni imwe mutopa ine mwamuwona dazi la urunji lichituwa ndi uchizgi mu mapapiku ghake. Mwamuruta ndi kuchilipuka nge ndi mathole ghachituwa mu khola.

³ Mukandirizgiyenge pasi ŵaheni, pakuti ŵakaŵanga nge ndi choto kusi ku maphazi ghinu, mu zuŵa lo ndamuchitiya ichi, atiti Ambuya ŵa maŵanja.

⁴ “Kumbukani dangu laku Mosese mteŵeti wangu, visambizgu ndi vyeruzgu vyo ndingumulanguliya pa Horebe kuti ŵa Yisraele wose ŵavwe.

⁵ “Awonani, nkhamutumiyaninga Eliya mchimi, lenga lindazi zuŵa likuru ndi lakofya la Ambuya,

⁶ ndipo iyo wazamung'anamuwa mitima ya auskeu ku ŵana, ndi mitima ya ŵana ku auskeu, vinu ndingaza ndi kupuma charu ndi thembo.”