Jobu 8 - Tonga Bible 1986

Pakuwona soka lawo, Bildadi wanguti Jobu ndi ŵana ŵake ŵakulakwa

¹ Sono wangwamuka Bildadi muShuhite:

² “Mpaka zuŵanji, ukakambanga vinthu yivi? Ndipo mazu gha mlomo wako ghaŵenge zuŵanji mphepu yikuru?

³ Kumbi Chiuta wabendezga cheruzgu? Pamwenga kumbi Wanthazi zose wabendezga urunji?

⁴ Asani ŵana ŵinu ŵamulakwiya, iyo waŵapereka ku mazaza gha mamphuru ghawo.

⁵ Asani mukapenjanga Chiuta ndi kupereka maŵeyelero ku Wanthazi zose,

⁶ asani ndiwe murunji ndiwakunyoroka, nadi wakayukanga chifukwa chaku iwe, ndi wazakukusakatiska ndi chakujamo chakwenere.

⁷ Ndipo chingana chandiro chako chenga chimana, kweni umari wako ukaŵanga ukuru.

⁸ “Fumbiriya ndi kupempha ndi za migonezi yo yaruta, ndipo ghanaghana ndi cho ŵauskeu ŵangusaniya,

⁹ pakuti ndifwe ŵa zana, ndipo tiziŵa kanthu cha, chifukwa mazuŵa ghidu pa charu ghe nge nchiduduzi.

¹⁰ Kumbi kuti ŵakusambizgenge cha ndi kukukonkhome, ndi kukamba mazu ghakutuwa ku vinjeru vyawo?

¹¹ “Kumbi gumbwa lingame pambura chiyaghayagha? Kumbi matete ghangame pa mbura maji?

¹² Gheche ghaŵisi ghandadumurike, ghafota pakudanga chakume che chose chinyake chenga chindafote.

¹³ Viyo ndimo ziliri nthowa zose zaku wo ŵareka kuziŵa Chiuta, chigomezgu cha munthu wambura kopa Chiuta chikamaranga.

¹⁴ Chigomezgu chake chikambandukanga, ndipo chigomezgu chake ndi mtatavu wa duŵiyuŵi.

¹⁵ Wayegame ku nyumba yake kweni kuti yiziŵa kuma cha. Watiyikhozga kweni yikho gha.

¹⁶ Watuŵa muŵisi pa kwe lumwe, mphanda zake zitandazgikiya pa munda wake wose.

¹⁷ Misisi yake yizingirizga ndundu yamya; waja mukati mu majarawe.

¹⁸ Asani watuzgikapo pa malo ghake, ghakamukananga kuti ‘Ndilive kukuwonapo kali.’

¹⁹ Wona, ichi ndicho chimwemwe chanthowa yake, ndipo ŵanyake ŵabukenge mu charu.

²⁰ “Wona, Chiuta kuti wakakananga munthu murunji cha, pamwenga kuŵawovya ŵakuchita uheni.

²¹ Wakazazanga mlomo wako ndi vidara, milomo yako ndi kukambura.

²² Wo ŵatikutinkha ŵakaŵanga ndi soni, ndi hema la mulakwi kuti likaŵangapo so cha.”