Jobu 5 - Tonga Bible 1986

¹ “Dana sono; kumbi walipo yumoza yo wakakumukanga? Kumbi uzgokiyenge kwakuyani wa ŵatuŵa?

² Nadi ukari ubaya wakupusa ndipo sanji yibaya wakuyuyuka.

³ Ndamuwona wakupusa wathaza misisi, kweni ruŵiruŵi ndingutemba malo ghake gha kujapo.

⁴ Ŵana ŵake ŵe kutali ndi kuphokwa, ŵaphwanyika pa likomo, ndipo palivi yumoza wakuŵataska.

⁵ Mbeu yake yo wavuna yirghika ndi ŵanja, ŵayito nanga ndi mukati mu minga, ndipo ŵanyota ŵaŵeŵefukiya usambasi wake.

⁶ Pakuti kupwetekeka kuti kutuliya ku fuvu cha, nanga ndi suzgu kuti yibuka ku dongo cha,

⁷ kweni munthu wakupapikiya visuzgu, nge ndi nkhangalufya ziputiskikiya kuchanya.

⁸ “Ine ndipenjenge Chiuta, kwaku Chiuta ndiperekenge chifukwa changu;

⁹ Mweniyo wachita vinthu vikuru, ndi vyambura kulondoreka, vinthu vyakuziziswa vyambura kuŵerengeka.

¹⁰ Wang'iska vuwa pa charu, ndi watuma maji pa minda.

¹¹ Wakwezga wo mbakujiyuyuwa, ndipo wo mbakutenje ŵakwezgeke ku chisangarusku.

¹² Wang'anamuskiya panyake fundu za ŵanthu ŵarghargha, mwakuti manja ghawo ghareke kufiska cho ŵakhumba.

¹³ Wako ŵavinjeru mu urghargha wawo, ndi fundu za ŵachenjezi watizimara ruŵiruŵi.

¹⁴ Ŵakumana ndi mdima mu nyengo ya msana, ndi ŵayingayinga pa msana pakati nge ndi usiku.

¹⁵ Kweni wataska wo mbambura auskeu ku mlomo wawo, ndi ŵasauchi, ku janja la wanthazi.

¹⁶ Viyo ŵakavu ŵe ndi chigomezgu, ndi uwura urunji ujara mlomo wake.

¹⁷ “Wona wakukondwa ndi munthu yo wachenyeka ndi Chiuta, chifukwa ichi ungayeyanga cha kulanga kwa Wanthazi zose.

¹⁸ Pakuti watema bara ndi walimanga; walasa kweni manja ghake ghachizga.

¹⁹ Wakakutaskanga ku visuzgu vinkhonde ndi chimoza, mu chachinkhonde ndi chiŵi pakaŵangavi chiheni chakukukwaska.

²⁰ Mu nja wakuwombonge ku nyifwa, ndi mu nkhondo ku nthazi ya lipanga.

²¹ Ukabisikanga pakupumika kwa lulime ndipo kuti ukawopanga cha pharghang'iko pa lituza.

²² Ukasekanga pharghang'iko ndi nja ndipo kuti ukawopanga vinyama vya mu charu cha.

²³ Pakuti ukaŵanga ndi phangano ndi mya ya mu dondo, ndipo vinyama vya mu dondo vikaŵanga pa chimangu ndi iwe.

²⁴ Ukaziŵanga kuti hema lako le umampha vi, ndipo wamukwende malo ghako ghakujapo ndipo wamusaniya kuti palivi kamoza kukusoŵa.

²⁵ Ukaziŵanga so kuti mphapu yako yikandananga, ŵana ŵako nge mbuteka wapa charu.

²⁶ Ukazanga ku muunda wako pa wemu unkhongwe wako wakufikapo, nge ndimo mtolo wa trigu mu nyengo yake utuziya ku mphe.

²⁷ Wona ichi tachipenjapenja, che viyo; yivwa uchiziŵi chiŵi mwaŵi wako.”