Jobu 36 - Tonga Bible 1986

Elihu watumbika chigomezgu ndi nthazi zaku Chiuta. Chiuta ndi mukweru, ifwe tatondeka ku mziŵa

¹ Ndipo Elihu wangurutiriya kukamba, wanguti:

² “Mundizomerezge kamanavi, ndipo ndimurongoninga, pakuti ndeche ndi kanthu kurongoro mu malo ghaku Chiuta.

³ Nkhatonga zeru zango kutuwa kutali, ndi kukamba kuti Mlenge wangu ndi murunji.

⁴ Pakuti, nadi mazu ghangu kuti nga utesi cha; yo ngwakufikapo zeru we namwe.

⁵ “Wonani, Chiuta ngwanthazi ndipo kuti wayuywa yumoza cha; ngwakuruska mu nthazi za vinjeru.

⁶ Kuti wasunga ŵamoyo ŵaheni cha, kweni wapaska ŵakusuzgika vyo vyakwenere.

⁷ Kuti wawezge vuli maso ghake cha kutuwaku ku ŵarunji, kweni wati ŵajarika pamoza ndi ŵakaronga muyaya pa chitengo chawo cha ufumu ndipo ŵakuzgika.

⁸ Ndipo asani ŵamangika ndi maunyoro ndi kukoreka mu vingwe vya masuzgu,

⁹ viyo wati ŵarongo nchitu zawo, ridi kwananga kwawo, kuti nkhunandi.

¹⁰ Ŵajura makutu ghawo kuti ŵavwe visambizgu, ndi waŵalanguliya kuti ŵatuweko ku ubendezi.

¹¹ Asani ŵatumuvwiya ndi kumteŵete, ŵakamaranga mazuŵa ghawo muwusakati, ndi virimika vyawo mu kukondwa.

¹² Kweni asani kuti ŵatuvwiya cha, ŵakakomwanga ndi lipanga, ndi ŵakafwanga ŵambura kuziŵa kanthu.

¹³ “Ŵanthu ŵambura Chiuta ku mitima yawo ŵawunjika ukari, kuti ŵaromba chovyo cha penipo ŵati ŵamanga.

¹⁴ Ŵatufwa ŵeche ŵampupuka, ndipo umoyo wawo umariya mu soni.

¹⁵ Ŵakutaska ŵakusuzgika mu kusuzgika kwawo, kusuzgika kwawo kujura makutu ghawo.

¹⁶ Nanga ndimwe mphanyi wamtuzganimo mukufinyikizgika, ndi kumuŵikani ku malo ghasani kweniko kulivi uzengi; ndipo cho chinguŵikika pa gome lino chenga cha mafuta ghanandi.

¹⁷ “Kweni mwazazika ndi maghanoghano gha ŵaheni, maghanaghano gho ndi cheruzgu vitimukoni.

¹⁸ Chenjeni vinu urwani wa vyakuŵaŵa ungamukoni pakuti ngukuru; ndipo cheruzgu chinu chinganangika ndi vinda cha.

¹⁹ Kumbi kuriya kwinu kukaziŵanga kukutaskani kukupasuka kwinu nanga ndi mphomo yose ya nthazi zinu?

²⁰ Munganwekanga usiku cha, penipo ŵanthu ŵatuzgikamo mu malo ghawo.

²¹ Chenjeni, mungaweriyanga ku maluakwi ghinu cha, pakuti mwasankha ichi kuruska suzgu.

²² Wonani Chiuta wakuzgika chifukwa cha nthazi zake; ndiyani msambizgi nge ndiyo?

²³ Ndiyani yo wakumumikiya nthowa zake, pamwenga ndiyani wanganena kuti, ‘Imwe mwachita uheni’?

²⁴ “Kumbukani kukuzga mlimu wake, wo ŵanthu ŵatiumbiya.

²⁵ Ŵanthu wose ŵalereska paku wo, munthu wawuwone patali.

²⁶ Wonani, Chiuta ndi mukuru, ndipo kuti titumziŵa cha, unandi wa virimika vyake ngwambura maŵerengeka.

²⁷ Pakuti wakwezga manthonera ghamaji, wasongono nyankhuŵinda wake kuŵa vuwa,

²⁸ yeniyo mitambo yidira pasi, ndi yitung'a pa munthu kwakuzara.

²⁹ Kumbi waliko yumoza yo wangawamo ndi kutandazgika kwa mitambo, pamwenga ndi mphomo yamu hema lake?

³⁰ Wonani waparghang'a kumwetuwa kwake pafupi ndi iyo; ndi wabenekere kusi kwa nyanja.

³¹ Pakuti ndi ivi wateruzga ŵanthu; watuŵapaska uzali wa vyakurgha.

³² Wabenekere manja ghake ndi kumwetuwa, ndi walanguliya kumwetuwa, kumwetuliya pakatikati.

³³ Kayowozi kake karongo iyo, mweniyo ngwasanji ndi ndimukari pa ulakwi.