Jobu 25 - Tonga Bible 1986

Bilidadi watiti munthu kuti watenere kujipima kuti ngwakurunjika cha pa maso paku Chiuta

¹ Sono Bilidadi muShuhite wangwamuka, wanguti:

² “Muwusu ndi chifyo vye ndi Chiuta; wachita chimangu mu malo ghake gha muchanya.

³ Kumbi maliŵanja gha ŵankhondo ŵake ghaŵerengeka mphakuyani po ukweru wake ureka kuŵara?

⁴ Munthu wangaziŵa uli kuŵa murunji pa maso paku Chiuta? Wangaziŵa uli yo ngwakupapika ndi munthukazi kuŵa wakuphotoka?

⁵ Wona, nanga ndi mwezi kuti ngwakuwala cha ndi nyenyezi kuti zituŵa cha mu maso ghake,

⁶ nanga umana wa munthu ukaŵanga uli, pakuti iyo ndi mphorozi, na mwana wa munthu po iyo ndi munyoro?”